Month: February 2024

முகாமைத்துவ சேவை உத்தியோகத்தர் (அதி சிறப்புத்தரம்) பரீட்சையில் சித்தியெய்தி, எமது சபைக்கு புதிய செயலாளராகப் பதவியேற்ற திருமதி. பார்த்திபன் சிவதர்சினி அவர்களை வரவேற்கும் நிகழ்வானது 2024.02.21 அன்று சபையில் சிறப்பாக இடம்பெற்றது.

2019ஆம் ஆண்டு தொடக்கம் மாந்தை கிழக்கு பிரதேச சபையின் செயலாளராகக் கடமையாற்றி இப்பிரதேசத்திற்கு அளப்பரிய சேவையாற்றி, தற்போது முகாமைத்துவ சேவை உத்தியோகத்தர் (அதி சிறப்புத்தரம்) பரீட்சையில் சித்தியெய்தி, கிளிநொச்சி கரைச்சிப் பிரதேச சபையின் செயலாளராகப் பதவிவுயர்வு பெற்றுச் செல்லும் திரு. செ.செல்வகுமார் அவர்களுக்கான பிரிவுபசார நிகழ்வானது 2024.02.19 அன்று சபை உத்தியோகத்தர்களால் ஏற்பாடு செய்யப்பட்டு சிறப்பாக இடம்பெற்றது

மாகாண குறித்தொதுக்கப்பட்ட அபிவிருத்தி நன்கொடை - 2023 (PSDG-2023) நிதி 1 மில்லியன் செலவில் எமது சபைக்குச் சொந்தமான அம்பாள்புரம் 7ஆம் வீதி புனரமைப்புச் செய்யப்பட்டுள்ளது.

அம்பாள்புரம் பிரதேசத்தில் அமையப்பெற்றுள்ள பொது மைதானத்திற்கான பாதுகாப்பு வேலியானது, பிரதேசவாழ் மக்களின் பங்களிப்புடன் எமது சபைப் பணியாளர்களால் முட்கம்பி பயன்படுத்தி பாதுகாப்பான வேலி அமைக்கப்பட்டுள்ளது.

எமது சபைக்குச் சொந்தமானதும் வன்னிவிளான்குளம் பிரதேசத்தில் அமையப்பெற்றுள்ளதுமான பொது விளையாட்டு மைதானமானது, மக்களின் கோரிக்கைக்கு இணங்க புனரமைப்புச் செய்யப்பட்டது. சபைக்குச் சொந்தமான கனரக வாகனங்களுடன், மக்கள் பங்களிப்பையும் பெற்று குறித்த மைதானம் புனரமைப்புச் செய்துள்ளமை குறிப்பிடத்தக்கதாகும்.

எமது சபையின் செயலாளர் திரு.செ.செல்வகுமார் அவர்களின் தலைமையின் கீழ் எமது பிரதேசத்தில் ஆதனவரி அறவிடுவதற்கு நடவடிக்கைகள் மேற்கொள்ளப்பட்டு வருகின்ற நிலையில் ஆதனவரி அறவிடுவதை அடுத்த நிலைக்கு முன்னெடுத்துச்செல்லும் நோக்கில் வவுனியா விலை மதிப்பீட்டு திணைக்களத்தில் 06.02.2024 கலந்துரையாடல் மேற்கொள்ளப்பட்டது.

Welcome to WordPress. This is your first post. Edit or delete it, then start writing!