March 2024 – Manthai East

வியாபார உரிமம் வழங்குதல் தொடர்பான நடமாடும் சேவை

Posted on March 29, 2024March 29, 2024 by webadmin

வியாபார நிலையங்கள் வியாபார உரிமம் பெற்று பொருட்களை நுகர்வோருக்கு விற்பனை செய்ய வேண்டும். மாறாக வியாபார உரிமம் இல்லாது பொருட்களை விற்பனை செய்தல் சட்டப்படி குற்றமாகும்.

எமது பிரதேச மக்களின் நலன் கருதி எமது சபை செயலாளர் திருமதி.பா.சிவதர்சினி தலைமையில்

பாலிநகர் வட்டாரத்தில் உள்ள எமது பொது நூலகத்தில் வியாபார உரிமம் வழங்குதல் தொடர்பான நடமாடும் சேவை 27/03/2024 இன்று காலை 10.00 மணிக்கு எமது சபை வருமான அதிகாரிகள் , வருமான உத்தியோகத்தர்கள் , வட்டார அபிவிருத்தி உத்தியோகத்தர்களால் வழங்கப்பட்டது.

இதில் 2024 ஆம் ஆண்டுக்கான வியாபார உரிமம் இல்லாத வியாபார நிலையங்களுக்கு வியாபார உரிமம் தொடர்பான படிவங்கள் வழங்கப்பட்டு அவற்றை பூரணப்படுத்தப்பட்டு வியாபார உரிமத்துக்கான கட்டணங்கள் பெற்றுக்கொள்ளப்பட்டு வியாபார உரிமம் வழங்கப்பட்டது.

மேலும் வியாபார நிலையங்களுக்கான வியாபார உரிமம் தொடர்பான அறிவுறுத்தல்கள் எமது வருமான அதிகாரிகளால் வியாபார நிலைய உரிமையாளர்களுக்கு வழங்கப்பட்டது.

விநாயகபுரம் பொது நூலக அபிவிருத்திட்ட வேலைகள் ஆரம்பம்

Posted on March 29, 2024April 12, 2024 by webadmin

எம்மால் வழங்கப்படுகின்ற நலன்புரி ச்சேவைைளில் ஒன்றாக நூலக சேவை காணப்படுகின்றது. எமது பிரதேச மாணவர்களின் அபிவிருத்தியை மேம்படுத்தும் நோக்கில் எமது சபையால் 3 நூலகங்கள் அமைக்கப்பட்டது.அதில் ஒன்றாக விநாயகபுரம் பொது நூலகம் காணப்படுகின்றது.இது விநாயகபுரம் வட்டாரத்தில் அமையப்பெற்றுள்ளது.

இந்நூலகம் பொன்னகர்,பூவரசன்குளம், விநாயகபுரம் ஆகிய மூன்று கிராம மாணவர்களின் கல்வி வளர்ச்சியை மேம்படுத்துகிறது.

2022 ஆம் ஆண்டு உலக வங்கியின் உள்ளூர் அபிவிருத்தி உதவிதிட்டத்தின்(Local Development Support Project – LDSP)மூலம் இந்நூலகம் புதிதாக அமைக்கப்பட்டது.தற்போது இந்நூலகத்தினை பாவனை செய்யும் மாணவர்கள்,வாசகர்கள்,மக்களின் பாதுகாப்பு,சுகாதார நலன் கருதி மேலும் நூலகத்தினை மலசலகூடம்,குடிநீர்,பாதுகாப்பு நடவடிக்கைகள் மீண்டும் உலக வங்கியின்

உள்ளூர் அபிவிருத்தி உதவிதிட்டத்தின்(Local Development Support Project – 2024 ) மூலம்

எமது சபை செயலாளரின் நல் வழிகாட்டலின் கீழ் திட்டமிடப்பட்டு கேள்வி கோரல் முறை மூலம் ஒப்பந்ததாரர்கள் தெரிவுசெய்யப்பட்டு 11.03.2024 ஆம் திகதி முதல் வேலைகள் ஆரம்பிக்கப்பட்டு தற்போது நடைபெற்று வருகின்றன.

மாகாண குறித்தொதுக்கப்பட்ட அபிவிருத்தி நன்கொடை நிதியில் அமைக்கப்படுகின்ற நட்டாங்கண்டல் 3ஆம் வீதி

Posted on March 29, 2024March 29, 2024 by webadmin

எமது பிரதேச மக்களின் போக்குவரத்து சிறப்பாக அமையும் சந்தர்ப்பத்தில் எமது பிரதேச அபிவிருத்தியும் வளர்ச்சிப்பாதையினை அடையும்.எமது மக்கள் பாதுகாப்பாகவும் ஆரோக்கியமாகவும் போக்குவரத்து மேற்கொள்ள வீதி சிறப்பாக அமைத்துகொடுப்பதுடன் அவற்றை பராமரிப்பதும் எமது சேவைகளில் முக்கியமான ஒன்றாகும்.

எமது பிரதேச மக்கள் பாதுகாப்பாகவும் ஆரோக்கியமாகவும் போக்குவரத்தினை மேற்கொள்ள எமது வீதிகளை சிறப்பாக பராமரிப்பதன் பொருட்டு எமது சபை செயலாளரின் நல் வழிகாட்டலின் கீழ் எமது சபை தொழில்நுட்ப உத்தியோகத்தரின் மேற்பார்வையில் மாகாண குறித்தொதுக்கப்பட்ட அபிவிருத்தி நன்கொடை – 2023 (PSDG-2023) நிதி 7.5 மில்லியன் செலவில் எமது பிரதேச சபை வீதி 248 இல்

நட்டாங்கண்டல் 3ஆம் வீதி

அமைக்கப்பட திட்டமிடப்பட்டு கேள்வி கோரல் முறை மூலம் ஒப்பந்ததாரர்கள் தெரிவுசெய்யப்பட்டு ஆரம்பிக்கப்பட்டு தற்போது Road Roller கனகரக வாகனத்தின் மூலம் வீதி மைக்கப்படுகின்ற காட்சிகள் சில.

சா்வதேச பூச்சிய கழிவு தினம் மாா்ச் – 30இனை முன்னிட்டு மாந்தை கிழக்கு பிரதேச சபையால் மாணவர்களிடம் விழிப்புணர்வு

Posted on March 29, 2024March 29, 2024 by webadmin

எமது சபை செயலாளர் திருமதி.பா.சிவதர்சினி தலைமையில் சர்வதேச பூச்சிய கழிவு தினம் மார்ச் – 30 இனை முன்னிட்டு எமது பிரதேச பாடசாலை மாணவர்கள் சூழல் மாசுபடுத்தலை ஏற்படுத்தும் பொலித்தீன்,பிளாஸ்டிக் மற்றும் கழிவு பொருட்களை முறையாக அகற்றி சூழலை எவ்வாறு பாதுகாத்தல், கழிவுப்பொருட்களை நிறப்பாகுபாட்டிற்கேற்ப கழிவுப்பெட்டிக்குள் தரம்பிரித்து அகற்றுதல்,கழிவுப்பொருட்களை மீள்சுழற்சிக்கு உட்படுத்தி அவற்றை கலை,கைவினை பொருட்களாக செய்தல்,திண்மக்கழிவுப்பொருட்களில் இருந்து எவ்வாறு சேதனப்பசளை தயாரித்தல் என்பது தொடர்பாக விழிப்புணர்வு 25.03.2024 நட்டாங்கண்டல் மற்றும் விநாயகபுரம் அ.த.க பாடசாலைகளில் இன்று செய்யப்பட்டது.

இவ்விழிப்புணர்வில் சுற்றுச்சூழலை எவ்வாறு பாதுகாப்பது என்பது தொடர்பான துண்டுப்பிரசுரங்களும் பாடசாலை மாணவர்களுக்கு வழங்கப்பட்டது.

சா்வதேச பூச்சிய கழிவு தினம் மாா்ச் – 30இனை முன்னிட்டு மாந்தை கிழக்கு பிரதேச சபை முன்பள்ளி மாணவர்களால் கண்காட்சி

Posted on March 23, 2024March 23, 2024 by webadmin

எமது மாந்தை கிழக்கு பிரதேச முன்பள்ளியில் எமது சபை செயலாளர் தலைமையில் சர்வதேச பூச்சிய கழிவு தினம் மார்ச் – 30 இனை முன்னிட்டு சூழல் மாசுபடுத்தலை ஏற்படுத்தும் பாலித்தீன்,பிளாஸ்டிக் மற்றும் கழிவு பொருட்களை எமது முன்பள்ளி மாணவர்கள் கழிவுப் பொருட்களை மீள்சுழற்சிக்கு உட்படுத்தி அவற்றை கலை,கைவினை பொருட்களாக செய்து அதனை 22.03.2024 திகதி காலை 10.00 மணிக்கு எமது சபை முன்பள்ளியில் கண்காட்சி மூலம் காட்சிப்படுத்தப்பட்டது.

இந்நிகழ்வில் சுற்றுச்சூழலை நாம் எவ்வாறு பாதுகாக்கப்பட வேண்டும் என்று விழிப்புணர்வு செய்யப்பட்டதுடன்

கழிவுப்பொருட்களை சிறப்பாக கலை,கைவினைப் பொருட்களாக மாற்றிய மாணவர்களுக்கு பராட்டும் வழங்கப்பட்டது.

இந்நிகழ்வில் எமது சபை செயலாளர்,உத்தியோகத்தர்கள்,

ஊழியர்கள்,முன்பள்ளி ஆசிரியர்,மாணவர்கள்,மாணவர்களின் பெற்றோர்கள் என பலரும் கலந்து கொண்டனர்.

மாந்தை கிழக்கு பிரதேச சுகாதார மேம்பாடு தொடர்பான கலந்துரையாடல்

Posted on March 20, 2024March 20, 2024 by webadmin

எமது சபையினால் வழங்கப்படுகின்ற சேவைகளில் சுகாதார சேவை முக்கியமானதாகவும் அத்தியாவசியமானதாகவும் காணப்படுகின்றது.மாந்தை கிழக்கு சுகாதார வைத்திய அதிகார மணிமனை எமது சபையுடன் இணைந்து எமது பிரதேச மக்களுக்கு சுகாதார சேவைகளை சிறப்பாக வழங்கி வருகின்றன.

பிராந்திய சுகாதார சேவைகள் பணிப்பாளரின் அறிவுரைக்கேட்ப மாந்தை கிழக்கு சுகாதார வைத்திய அதிகாரி பிரிவுக்குட்பட்ட பகுதி மக்களுக்கு வழங்கப்படுகின்ற சுகாதார சேவைகளை எமது சபையுடன் இணைந்து மாந்தை கிழக்கு சுகாதார வைத்திய பணிமனை மேலும் மேம்பாடு அடையச்செய்வதற்காக எமது சபை செயலாளர் திருமதி.பா.சிவதர்சினி தலைமையில் 20.03.2024 இன்று நண்பகல் 1.00 மணியளவில் மாந்தை கிழக்கு பிரதேச சபை பொதுநோக்கு மண்டபத்தில் கலந்துரையாடல் நடைபெற்றது.

இக்கலந்துரையாடலில்

1.உணவு கையாள்பவர்களுக்கான மருத்துவ அடையாள அட்டை வழங்கல்.

2.வளர்ப்பு நாய்களை பதிவு செய்தல்.

3.நாய்களுக்கான தடுப்பூசியேற்றல்.

4.கட்டாக்காலி நாய்களை கட்டுப்படுத்தல்.

5.வீதிகளில் மாடுகளை கட்டுப்படுத்தல்

6.கட்டட விண்ணப்பம்,வியாபார உரிமம் தொடர்பான விடயங்கள் ஆகியவையும் எமது பிரதேச மக்களின் சுகாதார சேவை அபிவிருத்தி தொடர்பாகவும் கலந்துரையாடப்பட்டது.

இக்கலந்துரையாடலில் எமது சபை செயலாளர்,சுகாதார வைத்திய அதிகாரி,பிரதேச வைத்தியர்,எமது சபை வருமான அதிகாரிகள், எமது சபை உத்தியோகத்தர்கள் அனைவரும் கலந்துகொண்டனர்.

வன்னிவிளாங்குளம் பொது மயானத்தினை பராமரிப்பதற்காக புதிய நிர்வாக அமைப்பை தெரிவுசெய்வதற்கான கூட்டம்.

Posted on March 20, 2024March 20, 2024 by webadmin

எமது சபையினுடைய பிரதேசத்தில் வன்னிவிளாங்குளம் கிராமமும் ஒன்றாகும்.

எமது சபையால் வழங்கப்படுகின்ற சேவைகளில் ஒன்றாக மயான சேவை காணப்படுகின்றது.எமது வன்னிவிளாங்குளம் பொது மயானத்தை பராமரிப்பதற்கும் மயான சேவை பொது மக்களுக்கு நேர்த்தியாக வழங்குவதற்கும் மயானத்தின் எதிர்கால அபிவிருத்தி நடவடிக்கைகளை சிறப்பாக முன்னெடுத்துச்செல்வதற்கும் எமது சபை செயலாளர் திருமதி.பா.சிவதர்சினி அவர்களுடைய தலைமையில் வன்னிவிளாங்குளம் பொதுமாயான பராமரிப்பு அமைப்பு புதிதாக தெரிவு செய்வதற்கான கூட்டம் 12.03.2024 ஆம் திகதி மு.ப 11.30 மணிக்கு வன்னி விளாங்குளம் சனசமூக நிலையத்தில் நடைபெற்றது.

இக்கூட்டத்தில் வன்னிவிளாங்குளம் பொதுமாயான பராமரிப்பு அமைப்பு புதிதாக தெரிவு செய்யப்பட்டதுடன்

மயானத்தின் எதிர்கால அபிவிருத்தி தொடர்பாகவும் கலந்துரையாடப்பட்டது.

இதில் எமது சபை செயலாளர் , வன்னிவிளாங்குள வட்டார அபிவிருத்தி உத்தியோகத்தர்,கிராம சேவகர்,சனசமூக அமைப்பினர் மற்றும் வன்னிவிளாங்குள பொது மக்கள் கலந்துகொண்டனர்.

கரும்புள்ளியான் மல்லாவி இணைப்பு வீதி வேலையில் சபை வாகனங்கள்

Posted on March 20, 2024 by webadmin

கரும்புள்ளியான் மல்லாவி இணைப்பு வீதி வேலையில் சபை வாகனங்கள்

மாந்தை கிழக்கு பிரதேச செயலக பிரிவின் 2024 ஆண்டின் 1ஆம் காலாண்டுக்கான ஒருங்கினணப்பு குழுக்கூட்டம் மாந்தை கிழக்கு பிரதேச செயலகத்தில் 15.02.2024 திகதி 12.00 பி.ப மணிக்கு முல்லைத்தீீவு மாவட்ட ஒருங்கிணைப்பு குழு தலைவர் கௌரவ இராஜாங்க அமைச்சர் K.காதர் மஸ்தான் தலைமையில் நடைபெற்றது.

பிரதேச ஒருங்கினணப்பு குழுக்கூட்டத்தில் முன்ழொழியப்பட்ட

“கரும்புள்ளியான் மல்லாவி இணைப்பு வீதி கிரவல் வீதியாக புனரமைப்பு செய்தல்” என்ற தீர்வுமானத்திற்கு அமைய நீர்பாசன திணைக்களத்தினால் கிரவல் பெறுவதற்கு அனுமதி வழங்கப்பட்டு எமது சபையின் கனரக வாகனங்கள் பயன்படுத்தப்பட்டு கரும்புள்ளியான் மல்லாவி இணைப்பு வீதி புனரமைக்கப்படுகின்றன.

மாந்தை கிழக்கு பிரதேச சபை முன்பள்ளி மாணவர்களின் அபிவிருத்தி தொடர்பான கூட்டம்

Posted on March 15, 2024March 16, 2024 by webadmin

எமது பிரதேச மாணவர்களை விருத்தி செய்யும் நோக்கில் எம்மால் எமது பாண்டியன்குளம் பிரதேசத்தில் முன்பள்ளி நிறுவப்பட்டு மாணவர்களுக்கு சிறந்த முறையில் கல்வி,ஒழுக்கம்,நன்நடத்தை கற்பிக்கப்பட்டு வருகின்றன.

மாணவர்களுக்கு கல்வி மட்டுமல்லாது உடல்,உள ஆரோக்கியத்தை பேணும் வண்ணம் அதிக ஊட்டச்சத்துள்ள போசாக்கான உணவும் வழங்கப்படுகின்றன.

எமது மாணவர்களின் கல்வித்திறன் மட்டுமல்லாது விளையாட்டு,புத்தாக்கம்,கலை, ஆளுமை,தலைமைத்துவம் போன்றவற்றை அபிவிருத்தி செய்வது தொடர்பாக 14.03.2024 இன்று எமது முன்பள்ளியில் எமது சபை செயலாளர் திருமதி.பா.சிவதர்சினி அவர்களால் கூட்டம் நடாத்தப்பட்டது.

இதில் எமது முன்பள்ளி ஆசிரியர் திருமதி.சசிகலா அவர்கள்,முன்பள்ளி மாணவர்கள்,மாணவர்களின் பெற்றோர்கள் கலந்து கொண்டனர்.

சிராட்டிக்குளம் பொதுமண்டப பொதுக்கிணறு துப்பரவு செய்தல்

Posted on March 15, 2024March 16, 2024 by webadmin

எமது பிரதேசத்தில் ஒன்றாக சிராட்டிக்குளம் அமையப்பெற்றுள்ளது .

எமது பிரதேசத்தின் முக்கிய பிரச்சனையாக குடிநீர் பெற்றுக்கொள்ளுதல் காணப்படுகின்றது.எமது சிராட்டிக்குளம் பிரதேச மக்கள் அருந்துவதற்கு குடி நீர் பற்றாக்குறையாக உள்ளது. சிராட்டிக்குளம் மக்களின் உடல் ஆரோக்கியத்தை பேணும் நோக்கில் குடிநீர் பிரச்சினையை நிவர்த்தி செய்ய மக்களின் கோரிக்கைக்கு அமைய எமது சபை செயலாளர் திருமதி.பா.சிவதர்சினி அவர்களின் வழிகாட்டலின் கீழ் எமது சபை ஊழியர்களினால் சிராட்டிக்குளம் பொதுமண்டப பொதுக்கிணறு 13.03.2024 துப்பரவு செய்யப்பட்டது.

All reactions:

Rajeev Rajeev, Pirathapan Pirathap and 1 other