May 2024 – Manthai East

உலக வங்கி நிதியில் திரவக்கழிவகற்றல் இயந்திரம் கொள்வனவு

Posted on May 19, 2024June 12, 2024 by webadmin

எமது பிரதேச மக்களின் ஆரோக்கியம் பேணும் நோக்கில் 2024ஆம் ஆண்டு உலக வங்கியின் உள்ளூர் அபிவிருத்தி உதவிதிட்டத்தின்(Local Development Support Project) மூலம் எமது பிரதேசத்திலுள்ள திரவ கழிவுகளை அகற்றுவதற்காக புதிதாக திரவக்கழிவு அகற்றும் இயந்திரம் (Gully Bowser) கொள்வனவு செய்யப்பட்டது.

விரைவாக மக்களுக்குரிய சேவைக்காக பயன்படுத்தப்படும்.

உலக வங்கி நிதியில் கொல்லவிளாங்குளம் சந்தையில் புதிய கடைத்தொகுதி அமைத்தலின் ஆரம்பவேலை

Posted on May 19, 2024June 12, 2024 by webadmin

2024ஆம் ஆண்டு உலக வங்கியின் உள்ளூர் அபிவிருத்தி உதவிதிட்டத்தின்(Local Development Support Project) மூலம் எமது பிரதேச உள்ளூர் உற்பத்தி பொருட்களை சந்தைப்படுத்தும் நோக்குடனும் எமது பிரதேச மக்களுக்கு தொழில்வாய்ப்பு வழங்கவும் கொல்லவிளாங்குளம் சந்தையில் புதிய கடைத்தொகுதி அமைப்பதற்கு எமது சபை செயலாளரின் நல் வழிகாட்டலின் கீழ் திட்டமிடப்பட்டு கேள்வி கோரல் முறை மூலம் ஒப்பந்ததாரர்கள் தெரிவுசெய்யப்பட்டு 09.05.2024 ஆம் திகதி முதல் வேலைகள் ஆரம்பிக்கப்பட்டு தற்போது நடைபெற்று வருகின்றன.

எமது பிரதேச சபை பிரதான முகாமைத்துவ சேவை உத்தியோகத்தர் அவர்களின் பிரிவுபசார நிகழ்வு

Posted on May 19, 2024June 12, 2024 by webadmin

எமது பிரதேச சபையில் பிரதான முகாமைத்துவ சேவை உத்தியோகத்தராக திரு.T.கொலின்ஸ் ரூபன் அவர்கள் கடமையை பொறுப்பேற்று கடந்த 4 வருடங்களுக்கு மேலாக தனது ஆளுமை மிக்க தலைமைத்துவத்தை கையாண்டு ,எமது பிரதேச மக்களுக்கு சிறப்பாக பணியாற்றியுள்ளார்.

இன்றுடன் எமது பிரதேச சபை பிரதான முகாமைத்துவ சேவை உத்தியோகத்தர் திரு.T.கொலின்ஸ் ரூபன் அவர்கள் இடமாற்றம் பெற்று மாங்குளம் நீர்பாசன திணைக்களத்துக்கு மக்கள் பணி மேற்கொள்ளவதற்கு செல்கின்றார். எமது பிரதேச சபைக்கும் பிரதேச மக்களுக்கும் எமது பிரதான முகாமைத்துவ சேவை உத்தியோகத்தர் திரு.T.கொலின்ஸ் ரூபன் அவர்கள் வழங்கிய சேவைக்கு நன்றி தெரிவிப்பதோடு மேலும் அவர் பதவி உயர்வு பெற்று மக்கள்

பணியை சிறப்பாக வழங்குவதற்கு மனம்நிறைந்த வாழ்த்துக்களையும் எமது சபை உத்தியோகத்தர்கள், ஊழியர்கள் தெரிவித்துகொள்கின்றோம்.

வாடகை நிலுவை அறவிடும் நடமாடும் சேவை 30/04/2024 பாலிநகர் பொது நூலகம்

Posted on May 19, 2024May 19, 2024 by webadmin

வாடகை நிலுவை அறவிடும் நடமாடும் சேவை 30/04/2024 பாலிநகர் பொது நூலகம்

எமது பிரதேச சபையின் வருமானத்தை அதிகரிக்கும் நோக்கில் எமது சபை செயலாளர் திருமதி.பா.சிவதர்சினி தலைமையில் பாலிநகர் வட்டாரத்தில் உள்ள எமது பொது நூலகத்தில் வாடகை நிலுவை அறவிடும் நடமாடும் சேவை 30/04/2024 10.00 மணிக்கு எமது சபை வருமான அதிகாரிகள் , வருமான உத்தியோகத்தர்கள் , வட்டார அபிவிருத்தி உத்தியோகத்தர்களால் நடாத்தப்பட்டது.

சுற்றாடல் தொழில்நுட்ப குழு உறுப்பினர்களை தெரிவு செய்தல்

Posted on May 19, 2024 by webadmin

எமது சபை செயலாளர் திருமதி பா.சிவதர்சினி அவர்கள் தலைமையில்

என்.சஜீவன் (சுற்றுச்சூழல் அதிகாரி மத்திய சுற்றுச்சூழல் ஆணையம் மாவட்ட அலுவலகம் முல்லைத்தீவு)அவர்களினால் எமது சபைக்குரிய சுற்றாடல் தொழில்நுட்ப குழு உறுப்பினர்களை தெரிவு செய்வதற்கான கலந்துரையாடல் 18.04.2024 மு.ப 11.30 மணிக்கு நடாத்தப்பட்டது.

இக்கலந்துரையாடலில் எமது சபை செயலாளர்,மத்திய சுற்றுச்சூழல் அதிகாரி,எமது சபை வருமான அதிகாரிகள்,தொழில்நுட்ப உத்தியோகத்தர்,விடய உத்தியோகத்தர்கள் கலந்துகொண்டனர்.

கரும்புள்ளியான் மல்லாவி இணைப்பு வீதி வேலையில் சபை வாகனங்கள் பயன்படுத்தல் (22.04.2024)

Posted on May 19, 2024May 19, 2024 by webadmin

மாந்தை கிழக்கு பிரதேச செயலக பிரிவின் 2024 ஆண்டின் 1ஆம் காலாண்டுக்கான ஒருங்கினணப்பு குழுக்கூட்டம் மாந்தை கிழக்கு பிரதேச செயலகத்தில் 15.02.2024 திகதி 12.00 பி.ப மணிக்கு முல்லைத்தீீவு மாவட்ட ஒருங்கிணைப்பு குழு தலைவர் கௌரவ இராஜாங்க அமைச்சர் K.காதர் மஸ்தான் தலைமையில் நடைபெற்றது.

பிரதேச ஒருங்கினணப்பு குழுக்கூட்டத்தில் முன்ழொழியப்பட்ட

“கரும்புள்ளியான் மல்லாவி இணைப்பு வீதி கிரவல் வீதியாக புனரமைப்பு செய்தல்” என்ற தீர்வுமானத்திற்கு அமைய நீர்பாசன திணைக்களத்தினால் கிரவல் பெறுவதற்கு அனுமதி வழங்கப்பட்டு எமது சபையின் கனரக வாகனங்கள் பயன்படுத்தப்பட்டு கரும்புள்ளியான் மல்லாவி இணைப்பு வீதி புனரமைக்கப்படுகின்றன.

22.04.2024 பதிவுகள்

எமது பிரதேச மக்களின் ஆரோக்கியத்தை பேணும் நோக்கில் வன்னிவிளாங்குளம் ஸ்ரீ முத்துமாரியம்மன் ஆலய பொதுக்கிணறு துப்பரவு செய்யப்பட்டது

Posted on May 19, 2024May 19, 2024 by webadmin

எமது பிரதேசத்தில் ஒன்றாக வன்னிவிளாங்குளம் பிரதேசத்தில் ஸ்ரீ முத்துமாரியம்மன் ஆலயம் அமையப்பெற்றுள்ளது. இவ் ஆலயத்தில் நடைபெறும் வருடாந்த மகோற்சவத்திற்கு அதிகளவு மக்கள் வருகை தந்து இறை தரிசனம் பெறுகின்றனர்.

வன்னிவிளாங்குள ஸ்ரீ முத்துமாரியம்மன் ஆலய 2024 ஆண்டின் மகோற்சம் நடைபெறவுள்ளதனால் ஆலயத்திற்கு வருகை தரும் மக்களின் உடல் ஆரோக்கியத்தை பேணும் நோக்கில் குடிநீர் பிரச்சினையை நிவர்த்தி செய்ய மக்களின் கோரிக்கைக்கு அமைய எமது சபை செயலாளர் திருமதி.பா.சிவதர்சினி அவர்களின் வழிகாட்டலின் கீழ் எமது சபை ஊழியர்களினால் வன்னிவிளாங்குளம் ஸ்ரீ முத்துமாரியம்மன் ஆலய பொதுக்கிணறு 16.04.2024 திகதி துப்பரவு செய்யப்பட்டது.

சித்திரை புதுவருட கைவிசேடம் வழங்கும் நிகழ்வு

Posted on May 19, 2024May 19, 2024 by webadmin

எமது சபை ஊழியர் நலன்புரிச்சங்கத்தின் ஏற்பாட்டில் 19.04.2024 திகதி காலை 9.00 மணிக்கு எமது சபை பொது மாநாட்டு மண்டபத்தில் எமது சபை செயலாளர் திருமதி.பா.சிவதர்சினி தலைமையில் கைவிசேடம் வழங்கும் நிகழ்வு நடைபெற்றது.

இந் நிகழ்வில் எமது பிரதேச சபை செயலாளர் அவர்கள் எமது சபையில் பணி புரியும் உத்தியோகத்தர்கள் மற்றும் பணியாளர்களுக்கு கைவிசேடம் வழங்கி சிறப்பித்தார்.

விநாயகபுரம் பொது நூலக அபிவிருத்திட்ட வேலைகள் 09.04.2024

Posted on May 19, 2024May 19, 2024 by webadmin

எம்மால் வழங்கப்படுகின்ற நலன்புரி ச்சேவைைளில் ஒன்றாக நூலக சேவை காணப்படுகின்றது. எமது பிரதேச மாணவர்களின் அபிவிருத்தியை மேம்படுத்தும் நோக்கில் எமது சபையால் 3 நூலகங்கள் அமைக்கப்பட்டது.அதில் ஒன்றாக விநாயகபுரம் பொது நூலகம் காணப்படுகின்றது.இது விநாயகபுரம் வட்டாரத்தில் அமையப்பெற்றுள்ளது.

இந்நூலகம் பொன்னகர்,பூவரசன்குளம், விநாயகபுரம் ஆகிய மூன்று கிராம மாணவர்களின் கல்வி வளர்ச்சியை மேம்படுத்துகிறது.

2022 ஆம் ஆண்டு உலக வங்கியின் உள்ளூர் அபிவிருத்தி உதவிதிட்டத்தின்(Local Development Support Project – LDSP)மூலம் இந்நூலகம் புதிதாக அமைக்கப்பட்டது.தற்போது இந்நூலகத்தினை பாவனை செய்யும் மாணவர்கள்,வாசகர்கள்,மக்களின் பாதுகாப்பு,சுகாதார நலன் கருதி மேலும் நூலகத்தினை மலசலகூடம்,குடிநீர்,பாதுகாப்பு நடவடிக்கைகள் மீண்டும் உலக வங்கியின்

உள்ளூர் அபிவிருத்தி உதவிதிட்டத்தின்(Local Development Support Project – 2024 ) மூலம்

எமது சபை செயலாளரின் நல் வழிகாட்டலின் கீழ் திட்டமிடப்பட்டு கேள்வி கோரல் முறை மூலம் ஒப்பந்ததாரர்கள் தெரிவுசெய்யப்பட்டு 11.03.2024 ஆம் திகதி முதல் வேலைகள் ஆரம்பிக்கப்பட்டு தற்போது நடைபெற்று வருகின்றன.

நட்டாங்கண்டல் 3ஆம் வீதி தாரிடல்

Posted on May 19, 2024May 19, 2024 by webadmin

எமது பிரதேச மக்களின் போக்குவரத்து சிறப்பாக அமையும் சந்தர்ப்பத்தில் எமது பிரதேச அபிவிருத்தியும் வளர்ச்சிப்பாதையினை அடையும்.எமது மக்கள் பாதுகாப்பாகவும் ஆரோக்கியமாகவும் போக்குவரத்து மேற்கொள்ள வீதி சிறப்பாக அமைத்துகொடுப்பதுடன் அவற்றை பராமரிப்பதும் எமது சேவைகளில் முக்கியமான ஒன்றாகும்.

எமது பிரதேச மக்கள் பாதுகாப்பாகவும் ஆரோக்கியமாகவும் போக்குவரத்தினை மேற்கொள்ள எமது வீதிகளை சிறப்பாக பராமரிப்பதன் பொருட்டு எமது சபை செயலாளரின் நல் வழிகாட்டலின் கீழ் எமது சபை தொழில்நுட்ப உத்தியோகத்தரின் மேற்பார்வையில் மாகாண குறித்தொதுக்கப்பட்ட அபிவிருத்தி நன்கொடை – 2023 (PSDG-2023) நிதி 7.5 மில்லியன் செலவில் எமது பிரதேச சபை வீதி 248 இல்

நட்டாங்கண்டல் 3ஆம் வீதி

அமைக்கப்பட திட்டமிடப்பட்டு கேள்வி கோரல் முறை மூலம் ஒப்பந்ததாரர்கள் தெரிவுசெய்யப்பட்டு வேலை ஆரம்பிக்கப்பட்டு 09.04.2024 இன்று தாரிடும் வேலைகள் ஆரம்பிக்கப்பட்டன.