June 2024 – Manthai East

வருடாந்த செயற்பட்டு மகிழ்வோம் விளையாட்டு விழா – மாந்தை கிழக்கு பிரதேச சபை முன்பள்ளி – 2024

Posted on June 30, 2024June 30, 2024 by webadmin

எமது சபையால் வழங்கப்படுகின்ற நலன்புரிச்சேவையில் மாணவர்களின் கல்வியை விருத்தி செய்யும் முன்பள்ளி சேவையும் ஒன்றாகும். எமது பிரதேச மாணவர்களின் கல்வித்திறன் மட்டுமன்றி விளையாட்டு திறமையை வளர்க்கும் நோக்கில் எமது சபை செயலாளர் திருமதி பா.சிவதர்சினி அவர்கள் தலைமையில் எமது மாந்தை கிழக்கு பிரதேச சபை முன்பள்ளியின் வருடாந்த செயற்பட்டு மகிழ்வோம் விளையாட்டு விழா 20.06.2024 ஆம் திகதி வியாழக்கிழமை நடைபெற்றது.

வரவேற்புநடனம்,மங்களவிளக்கேற்றி, இறைவணக்கம்,கொடியேற்றல்,ஒலிம்பிக்சுடரேற்றல், சத்தியப்பிரமாணம் ஆகிய நிகழ்வுகளுடன் ஆரம்பிக்கப்பட்டு மாணவர்கள் விளையாட்டு,மாணவர்களுக்கான பரிசில்கள் வழங்கும் நிகழ்வுகளுடன் நிறைவுசெய்யப்பட்டது.

இந்நிகழ்வில் பிரதம விருந்தினராக திரு.மா.ஜெகநாதன்,(அதிபர், மு/பாண்டியன்குளம் ஆரம்பப்பாடசாலை) அவர்களும் சிறப்பு விருந்தினராக தே.கார்த்திகன் (செயலாளர்,துணுக்காய் பிரதேச சபை) அவர்களும் கௌரவ விருந்தினராக திரு.க.சுஜாந்த் (கிராம சேவை உத்தியோகத்தர்,பாண்டியன்குளம்) அவர்களும் மாந்தை கிழக்கு பிரதேச சபை உத்தியோகத்தர்கள்,பணியாளர்கள், முன்பள்ளி மாணவர்கள்,முன்பள்ளி ஆசிரியர்கள்,பெற்றோர்கள் கலந்து கொண்டனர்.

வருடாந்த மெய்வல்லுனர் விளையாட்டு போட்டியை முன்னிட்டு மாந்தை கிழக்கு பிரதேச சபை முன்பள்ளி மைதானம் துப்பரவுப்பணி (18.06.2024)

Posted on June 30, 2024 by webadmin

எமது சபையால் வழங்கப்படுகின்ற நலன்புரிச்சேவையில் மாணவர்களின் கல்வியை விருத்தி செய்யும் முன்பள்ளி சேவையும் ஒன்றாகும். எமது பிரதேச மாணவர்களின் கல்வித்திறன் மட்டுமன்றி விளையாட்டு திறமையை வளர்க்கும் நோக்கில் எமது சபையால் வருடாந்த மெய்வல்லுனர் விளையாட்டு போட்டியை நடாத்திவருவது குறிப்பிடத்தக்கது.

2024 ஆண்டிக்குரிய மெய்வல்லுனர் விளையாட்டு போட்டியை நடாத்துவதன் பொருட்டு எமது சபையினுடைய செயலாளர் திருமதி.பா.சிவதர்சினி தலைமையில் எமது கனரக வாகனத்தின் மூலம் சபை ஊழியர்களை பயன்படுத்தி மாந்தை கிழக்கு பிரதேச சபை முன்பள்ளி மைதானம் 18.06.2024 இன்று துப்பரவு செய்யப்பட்டது.

செல்வபுரத்தையும் சிவபுரத்தையும் இணைக்கும் குத்துப்பாலம் புணரமைப்பு பணிகள் 13.06.2024

Posted on June 30, 2024 by webadmin

எமது செல்வபுரம் வட்டாரத்தில் அமைந்துள்ள குத்துப்பாலம் சிவபுரம் மற்றும் செல்வபுரத்தை இணைக்கும் பாலமாக காணப்படுவதுடன் மக்களின் போக்குவரத்து மேற்கொள்வதற்கு மிகவும் இன்றியமையாததாக உள்ளது.

குத்துப்பாலம் குறித்த சில நாட்களாக இயற்கை அனர்த்தங்களால் பாதிப்படைந்த நிலையில் மக்கள் பாதுகாப்பான போக்குவரத்து மேற்கொள்ள முடியாத நிலை காணப்பட்டது.

எமது பிரதேச மக்களின் நலன்கருதி எமது சபை செயலாளர் திருமதி.பா.சிவதர்சினி அவர்களின் தலைமையிலும் நல் வழிகாட்டலிலும் எமது சபை கனரக வாகனங்களைப் பயன்படுத்தி எமது சபை ஊழியர்களினால் மக்களின் பங்களிப்புடன் மக்கள் பாதுகாப்பான போக்குவரத்து மேற்கொள்ளும் நோக்கில் 13.06.2024 இன்று செல்வபுரம் வட்டாரத்தில் அமைந்துள்ள குத்துப்பாலம் புணரமைப்பு செய்யப்பட்டன.

ஐரோப்பிய ஒன்றியத்தின் நிதியில் மாந்தை கிழக்கு பிரதேச சபையின் மேல்தளம் புதிதாக அமைத்தலின் ஆரம்பவேலை 05.06.2024

Posted on June 30, 2024 by webadmin

2024ஆம் ஆண்டு ஐரோப்பிய ஒன்றியத்தின் உள்ளூர் அபிவிருத்தி உதவிதிட்டத்தின்(Local Development Support Project) மூலம் எமது பிரதேச மக்களுக்கு சபை சேவைகளை இலகுவாகவும் அதிக சேவைகளை ஓரே இடத்தில் வழங்கும் நோக்கில் எமது சபை கட்டடத்தின் மேல்த்தள வேலைகள்

கேள்வி அறிவித்தல் மூலம் ஒப்பந்ததாரர் தெரிவு செய்யப்பட்டு 23.05.2024 திகதி தொடக்கம் வேலைகள் ஆரம்பிக்கப்பட்டு தற்போது நடைபெற்று வருகின்றன.

உலக வங்கி நிதியில் கொல்லவிளாங்குளம் சந்தையில் புதிய கடைத்தொகுதி அமைத்தல் 07.06.2024

Posted on June 30, 2024 by webadmin

2024ஆம் ஆண்டு உலக வங்கியின் உள்ளூர் அபிவிருத்தி உதவிதிட்டத்தின்(Local Development Support Project) மூலம் எமது பிரதேச உள்ளூர் உற்பத்தி பொருட்களை சந்தைப்படுத்தும் நோக்குடனும் எமது பிரதேச மக்களுக்கு தொழில்வாய்ப்பு வழங்கவும் கொல்லவிளாங்குளம் சந்தையில் புதிய கடைத்தொகுதி அமைப்பதற்கு எமது சபை செயலாளரின் நல் வழிகாட்டலின் கீழ் திட்டமிடப்பட்டு கேள்வி கோரல் முறை மூலம் ஒப்பந்ததாரர்கள் தெரிவுசெய்யப்பட்டு 09.05.2024 ஆம் திகதி முதல் வேலைகள் ஆரம்பிக்கப்பட்டு தற்போது நடைபெற்று வருகின்றன.

உலக சுற்றுச்சூழல் தினத்தை முன்னிட்டு மாந்தை கிழக்கு பிரதேச சபையால் மரநடுகை செயற்பாடு முன்னெடுப்பு

Posted on June 12, 2024 by webadmin

உலக சுற்றுச்சூழல் தினம் (World Environment Day, WED) ஐக்கிய நாடுகள் அவையால் ஆண்டுதோறும் ஜுன் 06 திகதி சுற்றுச்சூழலை பாதுகாக்கும் நோக்குடன் கொண்டாடப்படுகின்றது.

இத்தினம் ஐக்கிய நாடுகள் அவையின் பொதுச் சபையால் 1972 ஆம் ஆண்டில் ஆரம்பித்து வைக்கப்பட்டது.

இந்த வகையில் எமது பிரதேச சுற்றுச்சூழலை பசுமையாகவும் செழிப்பாகவும் வைப்பதன் மூலம் எமது மக்களின் ஆரோக்கியத்தை பேணும் நோக்கில் உலக சுற்றுச்சூழல் தினத்தை முன்னிட்டு 30.05.2024 திகதி தொடக்கம் 05.06.2024 திகதி வரை எமது சபை செயலாளர் திருமதி . பா.சிவதர்சினி அவர்களின் நல் வழிகாட்டலின் கீழ்

எமது பிரதேசத்தில் மரநடுகை செயற்பாடுகள் மேற்கொள்ளப்பட்டது.