March 2025 – Manthai East

மழலைகள் விளையாட்டு விழா – மாந்தை கிழக்கு பிரதேச சபை முன்பள்ளி – 2025

Posted on March 24, 2025 by webadmin

எமது சபையால் வழங்கப்படுகின்ற நலன்புரிச்சேவையில் மாணவர்களின் கல்வியை விருத்தி செய்யும் முன்பள்ளி சேவையும் ஒன்றாகும். எமது பிரதேச மாணவர்களின் கல்வித்திறன் மட்டுமன்றி விளையாட்டு திறமையை வளர்க்கும் நோக்கில் எமது சபை செயலாளர் திருமதி பா.சிவதர்சினி அவர்கள் தலைமையில் எமது மாந்தை கிழக்கு பிரதேச சபை முன்பள்ளியின் மழலைகள் விளையாட்டு விழா 19.03.2025 ஆம் திகதி மு.ப 9.00 மணிக்கு புதன்கிழமை நடைபெற்றது.

வரவேற்புநடனம்,மங்களவிளக்கேற்றி, இறைவணக்கம்,கொடியேற்றல்,ஒலிம்பிக்சுடரேற்றல், சத்தியப்பிரமாணம் ஆகிய நிகழ்வுகளுடன் ஆரம்பிக்கப்பட்டு மாணவர்கள் விளையாட்டு,மாணவர்களுக்கான பரிசில்கள் வழங்கும் நிகழ்வுகளுடன் நிறைவுசெய்யப்பட்டது.

இந்நிகழ்வில் பிரதம விருந்தினராக செல்வி.இ.நளினி,(ஓய்வு நிலை ஆரம்பக்கல்வி ஆசிரியர், பாண்டியன்குளம்) அவர்களும் கௌரவ விருந்தினராக திரு.து.ஆபிரகாம் (பொருளாதார அபிவிருத்தி உத்தியோகத்தர்,பாண்டியன்குளம்) அவர்களும் மாந்தை கிழக்கு பிரதேச சபை உத்தியோகத்தர்கள்,பணியாளர்கள், முன்பள்ளி மாணவர்கள்,முன்பள்ளி ஆசிரியர்கள்,பெற்றோர்கள் கலந்து கொண்டனர்.

மாந்தை கிழக்கு பிரதேச சபை

பாண்டியன்குளம் நட்டாங்கண்டல்

வருடாந்த ஒன்றுகூடலும் நிகழ்வும் பிரிவுபசார விழாவும் 2024

Posted on March 24, 2025April 6, 2025 by webadmin

மாந்தை கிழக்கு பிரதேச சபையின் ஊழியர் நலன்புரிச்சங்கத்தினால் திரு.சி.குருநீலன் அவர்களின் தலைமையில் வருடாந்த ஒன்றுகூடல் நிகழ்வும் பிரிவுபசார விழாவும்

13.03.2025 ஆம் திகதி (வியாழக்கிழமை)

காலை 10.00 மணிக்கு ஆரம்பமாகி

இனிதே நிறைவுற்றது.

இந்நிகழ்விற்கு பிரதம விருந்தினராக மாந்தை கிழக்கு பிரதேச சபை செயலாளரும் ஊழியர் நலன்புரித் சங்கத்தின் போசகருமான திருமதி.பா.சிவதர்சினி அவர்களும் சிறப்பு விருந்தினராக கரைச்சி பிரதேச சபை செயலாளர் திரு.செ.செல்வக்குமார் அவர்களும் முல்லைத்தீவு பிரதி நீர்ப்பாசன பணிப்பாளர் பணிமனை பிரதான முகாமைத்துவ சேவை உத்தியோகத்தர் திரு.தே.கொலின்ஸ் ரூபன் அவர்களும் துணுக்காய் பிரதேச சபை செயலாளர் திரு.மா.மகாதேவன் அவர்களும் மாந்தை கிழக்கு பிரதேச சபை ஆயுள்வேத வைத்தியசாலையின் Dr.R.Kajanth அவர்களும் மற்றும் மாந்தை கிழக்கு பிரதேச சபை உத்தியோகத்தர்கள் ஊழியர்கள் அனைவரும் கலந்து கொண்டனர்.

இந்நிகழ்வில் எமது சபைக்கு பெரும் பணியாற்றிய எமது சபை முன்னைய செயலாளர் திரு.செல்வக்குமார் மற்றும் பிரதான முகாமைத்துவ சேவை உத்தியோகத்தர் திரு.தே.கொலின்ஸ்ரூபன் அவர்களினதும் சேவைகள் பாராட்டப்பட்டு கௌரவிக்கப்பட்டது. தொடர்ந்து மதிய போசனமும் கலை நிகழ்வுடன் விழா நிறைவுபெற்றது.

திரவக்கழிவகற்றல் சேவை

Posted on March 24, 2025April 6, 2025 by webadmin

எமது பிரதேச மக்களின் ஆரோக்கியத்தை பேணி சுகாதாரத்தை மேம்படுத்தும் பொருட்டு எமது சபை திரவக்கழிவகற்றல் சேவையினை யும் வழங்கிவருகின்றது.

1987ம் ஆண்டின் 15ம் இலக்க பிரதேச சபைகள் சட்டத்தின் பிரிவு 93 இன் கீழ் பொதுமக்களாகிய நீங்கள் எமது சபையிலிருந்து கழிவுறிஞ்சி சேவையினை பெற்றுக் கொள்ளலாம்.

கழிப்பறைகளில் காணப்படும் மலக் கழிவுகளை அகற்றுவது இப் பணிகளின் ஒரு அம்சமாகும்.

திரவக்கழிவகற்றல் சேவைகளை தாங்கள் பின்வரும் நிபந்தனைகளுக்கமைய பெற்றுக்கொள்ள முடியும்.

1.மாந்தை கிழக்கு பிரதேச சபை எல்லைக்குள் (ஐந்து கிலோ மீற்றருக்குள் ) முதலாவது லோட் கழிவகற்றலுக்கு மட்டும் ரூபா 5000.00 கட்டணம் செலுத்த வேண்டும்.

ஒரு தடவை மாத்திரம் கழிவகற்றல் மேற்கொள்ளப்படும்.இது 3600 லீற்றர் கொள்ளளவு கொண்டமைந்துள்ளது.

2. அடுத்து வரும் ஒவ்வொரு லோட்டுக்கும் ரூபா 5000.00 கட்டணம் மேலதிகமாக செலுத்த வேண்டும்.

3.மாந்தை கிழக்கு பிரதேச சபையின் எல்லையின் 5 கிலோ மீற்றருக்கு மேலதிகமாக வரும் ஒவ்வொரு கிலோமீற்றருக்கும் ரூபா 280.00 வீதம் கட்டணம் அறவிடப்படும்.

இங்கு இரு வழிப்பாதை க்கான தூரம் தனித்தனியாக கணக்கிடப்படும்.(போகும் தூரம் தனியாகவும் வரும் தூரம் தனியாகவும் கணக்கிடப்படும்.)

4.சேவைக்கான கட்டணம் செலுத்தி பற்றுச்சீட்டு பெற்றுக்கொண்டதன் பிற்பாடு சேவைகள் வழங்கப்படும்.

மாந்தை கிழக்கு பிரதேச சபை

பாண்டியன்குளம் நட்டாங்கண்டல்

மாந்தை கிழக்கு பிரதேசத்தின் சுற்றுலாத் தலங்களும் வரலாற்று முக்கியத்துவம் வாய்ந்த இடங்களும்

Posted on March 24, 2025 by webadmin

உலகிலே மிகப்பெரிய துறையாக விளங்குவது சுற்றுலாத்துறையாகும். இது நாட்டிற்கு அதிகளவான சுற்றுலாப் பயணிகளை அழைப்பதுடன் அதிகளவான வருமானத்தினையும் தருகிறது. ஆசியாவின் மிகச்சிறந்த சுற்றுலாத்தல நாடுகளில் இலங்கை மிக முக்கிய இடத்தில் உள்ளது.

தெற்காசிய நாடுகளில் ஒன்றாக விளங்கும் இலங்கையானது இந்து சமுத்திரத்தின் மத்தியில் இந்தியாவிற்கு தெற்கே அமைந்துள்ளது. இலங்கை ஏராளமான சுற்றுலா இடங்களுக்கு பெயர் பெற்றது.இலங்கையின் வடக்கு மாகாணத்தில் முல்லைத்தீவு மாவட்டத்திலுள்ள பிரதேசமாகவே மாந்தை கிழக்கு அமையப்பெற்றுள்ளது.

மாந்தை கிழக்கில் இயற்கை,அழகு என்பதனைத்தாண்டி வரலாற்று முக்கியத்துவம் வாய்ந்த இடங்கள்,சமய,கலாச்சார இடங்கள் என பல எண்ணற்ற இடங்கள் அமையப்பெற்றுள்ளன.அவையாவன

1.வவுனிக்குளம்

2.கல்லிருப்பு கண்ணகி அம்மன் ஆலயம்

3.வன்னிவிளாங்குளம் சிறி முத்துமாரியம்மன் ஆலயம்

4.பனங்காமம் கயிலைநாதர் சிவாலயம்

5.கறுத்தப்பாலம் – பாலியாறு

6.சிவபுரம் சிவன் கோயில்

7.பறங்கியாறு – சியாட்டில் குளம்

8.கல்வாரிப் பூங்கா(தவக்கால யாத்திரைத் தலம்) – வவுனிக்குளம்

9.இயற்கை சூழல்( வயல்,காடு)

மாந்தை கிழக்கு பிரதேச சபை

பாண்டியன்குளம் நட்டாங்கண்டல்

மாகாண குறித்தொதுக்கப்பட்ட அபிவிருத்தி நன்கொடை நிதியில் எருவில் நட்டாங்கண்டல் மக்களுக்கு நீர் விநியோகம்

Posted on March 23, 2025 by webadmin

எமது பிரதேசத்தில் குடிநீர் பெற்றுக்கொள்வது பாரிய பிரச்சினை ஆகும். எமது பிரதேச மக்கள் சுத்தமான குடிநீரினைப்பெற்று ஆரோக்கியமான வாழ்க்கையினை வாழ்வதற்கு எமது சபை செயலாளர் திருமதி.பா.சிவதர்சினி அவர்களின் தலைமையிலும் நல் வழிகாட்டலின் கீழ் மாகாண குறித்தொதுக்கப்பட்ட அபிவிருத்தி நன்கொடை – 2024 (PSDG-2024) நிதியில் எமது பிரதேசமான எருவில் நட்டாங்கண்டல் மக்களுக்கு தேசிய நீர்வழங்கல் வடிகால் அமைப்புச்சபையினால் கேள்வி கோரல் முறை மூலம் ஒப்பந்ததாரர்கள் தெரிவுசெய்யப்பட்டு வேலைகள் ஆரம்பிக்கப்பட்டு நடைபெற்று வருகின்றது.

மாந்தை கிழக்கு பிரதேச சபை

பாண்டியன்குளம் நட்டாங்கண்டல்

நடமாடும் இலவச ஆயுர்வேத மருத்துவ சேவை – விநாயகபுரம்

Posted on March 23, 2025 by webadmin

எமது பிரதேச மக்களின் ஆரோக்கியத்தை பேணும் நோக்கில் எமது சபையால் வழங்கப்படுகின்ற சுகாதார சேவைகளில் ஒன்றாக ஆயுர்வேத மருத்துவ சேவையும் காணப்படுகின்றது.

இவ் மருத்துவ சேவை இலவசமாக எமது 15 கிராம சேவை பிரிவு மக்களுக்கும் அலுவலக நாட்கள் மு.ப 8.30 – பி.ப 4.15 வரை Dr.R.Kajanth அவர்களினால் வழங்கப்பட்டு வருகின்றன.

எமது பிரதேச மக்களின் போக்குவரத்து கடினம்,நேரவிரயமின்மையை தவிர்க்கும் நோக்குடன் எமது சபைச்செயலாளர் திருமதி.பா.சிவதர்சினி அவர்களின் தலமையிலும் வழிகாட்டலிலும் ஒவ்வொரு வெள்ளிக்கிழமையும் ஆயுர்வேத மருத்துவ சேவை நடமாடும் சேவையாக காலை 8.30 மணி முதல் மதியம் 2.00 மணி வரை எமது மக்களுக்கு வழங்கப்படுகின்றது.

07.03.2025 திகதி விநாயகபுர வட்டார மக்களுக்கு Dr.R.Kajanth அவர்களினால் எமது விநாயகபுரம் பொது நூலகத்தில் காலை 8.30 மணி முதல் மதியம் 2.00 மணி வரை இலவச ஆயுர்வேத மருத்துவ சேவை வழங்கப்பட்டது.

மாந்தை கிழக்கு பிரதேச சபை

பாண்டியகுளம் நட்டாங்கண்டல்

எமது பிரதேச சபை அபிவிருத்தி உத்தியோகத்தர் திரு.பா.ரகுமான் அவர்களின் பிரிவுபசார நிகழ்வு 04.03.2025

Posted on March 23, 2025March 23, 2025 by webadmin

எமது பிரதேச சபையில் அபிவிருத்தி உத்தியோகத்தராக திரு.பா.ரகுமான் அவர்கள் கடமையை பொறுப்பேற்று கடந்த 4 வருடங்கள் எமது பிரதேச மக்களுக்கு சிறப்பாக பணியாற்றியுள்ளார்.

இன்றுடன் எமது பிரதேச சபை அபிவிருத்தி உத்தியோகத்தர் திரு.பா.ரகுமான் அவர்கள் இடமாற்றம் பெற்று வேறு திணைக்களத்துக்கு மக்கள் பணி மேற்கொள்ளவதற்கு செல்கின்றார்.

எமது பிரதேச சபைக்கும் பிரதேச மக்களுக்கும் திரு.பா.ரகுமான் அவர்கள் வழங்கிய சேவைக்கு நன்றி தெரிவிப்பதோடு மேலும் அவர் பதவி உயர்வு பெற்று மக்கள்

பணியை சிறப்பாக வழங்குவதற்கு மனம்நிறைந்த வாழ்த்துக்களையும் எமது சபை உத்தியோகத்தர்கள், ஊழியர்கள் தெரிவித்துகொள்கின்றோம்.

மாந்தை கிழக்கு பிரதேச சபை

பாண்டியன்குளம் நட்டாங்கண்டல்

சிராட்டிக்குளம் பிரதான வீதி புனரமைப்பு

Posted on March 23, 2025 by webadmin

எமது ஆளுகைக்குட்பட்ட பிரதேசமான சிராட்டிக்குளத்தில் மக்கள் அதிகம் பயன்படுத்தும் சிராட்டிக்குள் பிரதான வீதியில் மக்கள் விபத்துக்களின்றி,காட்டு விலங்குகளிடமிருந்து பாதுகாத்துக்கொள்ளவும் ஆரோக்கியமான போக்குவரத்தினை மேற்கொள்ளவும் எமது பிரதேச சபைச் செயலாளர் திருமதி.பா.சிவதர்சினி அவர்கள் தலைமையிலும் நல்வழிகாட்டலிலும் எமது கனரக வாகனத்தை பயன்படுத்தி எமது சபை ஊழியர்களினால் சிராட்டிக்குளம் பிரதான வீதியில் இருபுறமும் காணப்படுகின்ற பாதுகாப்பற்ற பற்றைகள் அகற்றப்பட்டு வீதியில் காணப்படும் பாலங்களுக்கு புனரமைப்பு பணிகள் ஆரம்பிக்கப்பட்டு நடைபெற்று வருகின்றது.

மாந்தை கிழக்கு பிரதேச சபை

பாண்டியன்குளம் நட்டாங்கண்டல்.

சிராட்டிக்குளம் பாடசாலை வீதி புனரமைப்பு

Posted on March 23, 2025March 23, 2025 by webadmin

எமது ஆளுகைக்குட்பட்ட பிரதேசமான சிராட்டிக்குளம் பிரதேசத்தில் அமையப்பெற்றுள்ள சிராட்டிக்குளம் பாடசாலையில் கல்வி கற்கும் மாணவர்கள் பாதுகாப்பாகவும் ஆரோக்கியமாகவும் பாடசாலை சென்று கல்வி கற்கும் நோக்கில் எமது சபைச்செயலாளர் பா.சிவதர்சினி அவர்கள் தலைமையிலும் நல்வழிகாட்டுதலிலும் சபை கனரக வாகனங்களை பயன்படுத்தி எமது ஊழியர்களினால் சிராட்டிக்குளம் பாடசாலை வீதியிலுள்ள பற்றைகள் துப்பரவு செய்து வீதி புனரமைப்பு செய்யப்பட்டது.

மாந்தை கிழக்கு பிரதேச சபை

பாண்டியன்குளம் நட்டாங்கண்டல்

வளம்மிகு பிரதேசத்தை கட்டியெழுப்பும் நோக்குடன் “Clean Sri Lanka” தேசிய நிகழ்ச்சித் திட்டத்தினை செயற்படுத்தும் நோக்கில் மாந்தை கிழக்கு பிரதேச சபையின் பொன்னகர் சந்தை வளாகம் சுத்தம் செய்தல்.

Posted on March 23, 2025 by webadmin

“க்ளீன் ஸ்ரீ லங்கா” என்பது வளமான நாட்டையும் அழகான வாழ்க்கையையும் கட்டியெழுப்புவதற்கு அத்தியவசியமான, கூட்டு அர்ப்பணிப்புடன் செயலாற்றுதலாகும்.

“க்ளீன் ஸ்ரீ லங்கா” என்ற தேசிய திட்டத்தை நிறைவேற்றும் முகமாக 19.02.2025 ஆம் திகதி எமது சபை செயலாளர் திருமதி பா.சிவதர்சினி அவர்கள் தலைமையிலும் வழிகாட்டல் மேற்பார்வையிலும் எமது பொன்னகர் சந்தை வளாகம் எமது உத்தியோகத்தர்கள்,ஊழியர்களாலும் பொதுச்சுகாதார உத்தியோகத்தர்களுடன் இணைந்து

மக்களின் பாதுகாப்புநலன் கருதி சுத்தம் செய்யப்பட்டது.

மாந்தை கிழக்கு பிரதேச சபை

பாண்டியன்குளம் நட்டாங்கண்டல்