March 2025 – Page 2 – Manthai East

நமது நாட்டின் 77 ஆவது தேசிய சுதந்திர தின நிகழ்வு – 04.02.2025

Posted on March 23, 2025 by webadmin

நமது நாட்டின் 77 ஆவது தேசிய சுதந்திர தின நிகழ்வு இன்றையதினம் (04.02.2025) எமது பிரதேச சபை முன்றலில் “தேசிய மறுமலர்ச்சிக்காக அணிதிரள்வோம்” என்ற கருப்பொருளின் கீழ் முன்னெடுக்கப்பட்டு

எமது பிரதேச சபை செயலாளர் திருமதி பா.சிவதர்சினி அவர்கள் தலைமையில் தேசிய கொடி ஏற்றலுடன் ஆரம்பமாகி தேசிய கீதம் இசைக்கப்பட்டது.

மாந்தை கிழக்கு பிரதேச சபை

பாண்டியன் குளம் நட்டாங்கண்டல்

2024 ஆம் ஆண்டின் நான்காம் காலாண்டு கணக்காய்வு முகாமைத்துவக்குழுக்கூட்டம்

Posted on March 23, 2025 by webadmin

எமது சபையில் 2024ஆம் ஆண்டின் நான்காவது காலாண்டுக்குரிய கணக்காய்வு முகாமைத்துவக்குழுக்கூட்டம் 21.01.2024 திகதி பி.ப 1.30 மணியளவில் எமது சபை செயலாளர் திருமதி பா.சிவதர்சினி அவர்கள் தலைமையில் நடைபெற்றது.

இக்கூட்டத்தில் மாகாண கணக்காய்வு அலுவலக உத்தியோகத்தர், மாவட்ட கணக்காய்வு அலுவலக உத்தியோகத்தர், எமது சபை பிரதான முகாமைத்துவ சேவை உத்தியோகத்தர், தொழில்நுட்ப உத்தியோகத்தர்கள், அபிவிருத்தி உத்தியோகத்தர்கள், முகாமைத்துவ சேவை உத்தியோகத்தர்கள் கலந்துகொண்டனர்.

மாந்தை கிழக்கு பிரதேச சபை

பாண்டியன்குளம் நட்டாங்கண்டல்

எமது பிரதேச சபை தைப்பொங்கல் 2025

Posted on March 23, 2025 by webadmin

மாந்தை கிழக்கு பிரதேச சபை செயலாளர் திருமதி பா.சிவதர்சினி அவர்கள் தலைமையிலும் ஊழியர் நலன்புரி சங்கத்தின் சிறப்பான ஒழுங்கமைப்பிலும் உத்தியோகத்தர்கள் மற்றும் ஊழியர்களின் பங்கெடுப்பிலும் 2025 ஆண்டின் தைப்பொங்கல் நிகழ்வானது இன்றைய தினம் 16.01.2025 மிகச்சிறப்பாக கொண்டாடப்பட்டது.

எமது பிரதேச சபை முகாமைத்துவ சேவை உத்தியோகத்தர் திருமதி.சுகிர்தா அவர்களின் பிரிவுபசார நிகழ்வு 07.01.2025

Posted on March 23, 2025 by webadmin

எமது பிரதேச சபையில் முகாமைத்துவ சேவை உத்தியோகத்தராக திருமதி.சுகிர்தா அவர்கள் கடமையை பொறுப்பேற்று கடந்த 5 வருடங்களுக்கு மேலாக மிகுந்த அர்ப்பணிப்புடன் எமது பிரதேச மக்களுக்கு சிறப்பாக அளப்பெரும் பணியாற்றியுள்ளார்.

இன்றுடன் எமது பிரதேச சபை முகாமைத்துவ சேவை உத்தியோகத்தர் திருமதி.சுகிர்தா அவர்கள் வருடாந்த இடமாற்றம் பெற்று வேறு திணைக்களத்துக்கு மக்கள் பணி மேற்கொள்ளவதற்கு செல்கின்றார். எமது பிரதேச சபைக்கும் பிரதேச மக்களுக்கும் எமது முகாமைத்துவ சேவை உத்தியோகத்தர் திருமதி.சுகிர்தா அவர்கள் வழங்கிய அளப்பெரும் சேவைக்கு நன்றி தெரிவிப்பதோடு மேலும் அவர் பதவி உயர்வு பெற்று மக்கள்

பணியை சிறப்பாக வழங்குவதற்கு மனம்நிறைந்த வாழ்த்துக்களையும் எமது சபை உத்தியோகத்தர்கள், ஊழியர்கள் தெரிவித்துகொள்கின்றோம்.

மாந்தை கிழக்கு பிரதேச சபை

பாண்டியன்குளம் நட்டாங்கண்டல்

பொன்னகர் சந்தை கடைத்தொகுதி

Posted on March 23, 2025 by webadmin

எமது பிரதேச மக்களின் அன்றாட வாழ்வாதார தேவைகளை நேரவிரையமின்றி இலகுவாக பூர்த்திசெய்யும் நோக்கிலும் சபையினுடைய வருமானத்தை அதிகரிக்கும் நோக்கிலும் எமது சபைச் செயலாளர் திருமதி.பா.சிவதர்சினி அவர்களின் தலைமையிலும் வழிப்படுத்தலிலும் வருமான அதிகாரி மேற்பார்வையிலும் நீண்ட காலம் இயங்கு நிலையில்லாயிருந்த பொன்னகர் சந்தை கடைத்தொகுதி நல் தொழில் முயற்சியாளர்களுக்கு வாடகை அடிப்படையில் வழங்கப்பட்டு பொன்னகர், விநாயகபுரம்,பூவரசன்குளம் ஆகிய பிரதேச மக்களால் பொருட்கள் வியாபாரிகளிடம் நுகரப்பட்டு வியாபாரம் நடைபெறுகின்றது.

பொன்னகர், விநாயகபுரம்,பூவரசன்குளம் ஆகிய பிரதேச மக்கள் தற்போது நேரவிரையமின்றி இலகுவாகவும் பாதுகாப்பாகவும் தமது அன்றாட வாழ்வியல் தேவைகளை பூர்த்தி செய்து கொள்ள முடிகிறது.

மாந்தை கிழக்கு பிரதேச சபை

பாண்டியன்குளம் நட்டாங்கண்டல்

ஐரோப்பிய ஒன்றியத்தின் நிதியில் விநாயகபுரம் வட்டார சிறுவர்களுக்கு விளையாட்டு உபகரணங்கள் பொருத்துதல்

Posted on March 23, 2025March 23, 2025 by webadmin

எமது சபை எமது பிரதேச மாணவர்களின் கல்வி அறிவை மட்டும் விருத்தி செய்யாது அவர்களின் கலை,விளையாட்டு திறன்களை விருத்தி செய்வதாகவும் காணப்படுகின்றது.

2024ஆம் ஆண்டு ஐரோப்பிய ஒன்றியத்தின் உள்ளூர் அபிவிருத்தி உதவிதிட்டத்தின்(Local Development Support Project) ஊடாக எமது பிரதேச சபை செயலாளர் திருமதி.பா.சிவதர்சினி அவர்களின் தலைமையிலும் நல் வழிகாட்டலிலும் விநாயகபுரம் வட்டாரத்திலுள்ள சிறுவர்களுக்கு விளையாட்டு உபகரணங்கள் கேள்வி அறிவித்தல் முறை மூலம் கொள்வனவு செய்யப்பட்டு எமது விநாயகபுரம் பொது நூலகத்தில் பொருத்தப்பட்டுள்ளது. தற்போது விநாயகபுரம், பூவரசன்குளம், பொன்னகர் ஆகிய கிராமத்திலுள்ள சிறுவர்களால் பயன்படுத்தப்பட்டு அப்பிரதேச சிறுவர்களின் விளையாட்டு திறன் மேம்படுத்தப்படுகிறது.

மாந்தை கிழக்கு பிரதேச சபை

பாண்டியன்குளம் நட்டாங்கண்டல்

வளம்மிகு பிரதேசத்தை கட்டியெழுப்பும் நோக்குடன் “Clean Sri Lanka” தேசிய நிகழ்ச்சித் திட்டத்துடன் இணைந்ததாக மாந்தை கிழக்கு பிரதேச சபையின் 2025 ஆம் வருடத்தில் முதல்நாள் இன்று (01.01.2025) கடமைகளை உத்தியோகபூர்வமாக நல்முனைப்புடன் ஆரம்பித்தல்

Posted on March 23, 2025 by webadmin

2025 ஆம் ஆண்டிற்கான முதலாம் நாள் இன்று (01.01.2025) மாந்தை கிழக்கு பிரதேச சபையின் ஆரம்பநாள் நிகழ்வு உத்தியோகபூர்வமாக

எமது சபை செயலாளர் திருமதி.பா.சிவதர்சினி அவர்களினால் தேசியக்கொடி ஏற்றப்பட்டு தேசிய கீதம் இசைக்கப்பட்டது.உத்தியோகத்தர்கள் மற்றும் ஊழியர்கள் அனைவரதும் பங்கேற்புடன் இவ்வாண்டுக்குரிய உறுதிமொழியுடன் இன்றைய தினம் நிகழ்வானது இனிதே ஆரம்பமாகியது.

Clean Sri Lanka பிரசைகளை சத்தியப் பிரமாணம் / உறுதிமொழி

நாட்டு மக்கள் அனைவரினதும் உள்ளங்கள் புதிய எதிர்பார்ப்புகளுடன் நிரம்பியுள்ள வேளையில், நாம் 2025 ஆம் வருடத்தில் காலடி எடுத்து வைக்கின்றோம்.

நாடு என்ற ரீதியில் நாங்கள் தவறவிட்ட சகவாழ்வு, சமூக, பொருளாதார அபிவிருத்தி, நவீனத்துவம் மற்றும் கலாசார வாழ்வு என்பவற்றை மீண்டும் அடைவதே எமது எதிர்ப்பார்ப்பாகும்.

எமது நாட்டை மீளக் கட்டியெழுப்பும் சவாலுக்கு முகங்கொடுக்க வேண்டியுள்ளது என்பதை நாம் நன்கு அறிவோம்.

“க்ளீன் ஸ்ரீ லங்கா” என்பது வளமான நாட்டையும் அழகான வாழ்க்கையையும் கட்டியெழுப்புவதற்கு அத்தியவசியமான, கூட்டு அர்ப்பணிப்புடன் செயலாற்றும், அத்துடன் பொறுப்புக்கூறும் தொழிற்பாடாகும். இன, மத அல்லது அரசியல் பேதமின்றி இத்தேசிய நிகழ்ச்சித்திட்டத்துடன் இணைந்து செயற்படுவதற்கு உறுதிமொழி அளிக்கின்றோம்.

சகல நடவடிக்கைகளிலும், அனைத்து பிரசைகள் உயர் சமூக அந்தஸ்தை அடைவதற்கு உறுதுணையாக அமைகின்ற, ஒற்றுமை, பொறுப்புக்கூறல், சிக்கனம், வெளிப்படைத்தன்மை மற்றும் சமத்துவம் ஆகிய விடயங்களை முன்னுதாரணமாகக் கடைப்பிடிப்பதற்கும், அத்தர நியமங்களை பாதுகாத்த வண்ணம் பிரச்சினைகளுக்கு தீர்வு காண்பதற்கும் அர்ப்பணிப்புடன் செயற்படுவோம்.

அபிமானம் கொண்ட இலங்கைப் பிரசைகள் என்ற வகையில் அழகானதொரு நாட்டைக் கட்டியெழுப்புவதற்கும், வளமான வாழ்க்கையை அடைவதற்கும், நேர்மையுடனும் ஒரே நோக்கத்துடனும் அர்ப்பணிப்புடன் செயலாற்றுவோம் என்பதாக சத்தியப் பிரமாணம் செய்கின்றோம்./ உறுதிமொழிகின்றோம்.

மாந்தை கிழக்கு பிரதேச சபை

பாண்டியன்குளம் நட்டாங்கண்டல்

மாகாண குறித்தொதுக்கப்பட்ட அபிவிருத்தி நன்கொடை நிதியில் பாண்டியன்குளம் 1ஆம் வீதி மற்றும் 2ஆம் ஒழுங்கை புனரமைப்புச்செய்தல்

Posted on March 23, 2025 by webadmin

எமது பிரதேச மக்களின் போக்குவரத்து சிறப்பாக அமையும் சந்தர்ப்பத்தில் எமது பிரதேச அபிவிருத்தியும் வளர்ச்சிப்பாதையினை அடையும்.எமது மக்கள் பாதுகாப்பாகவும் ஆரோக்கியமாகவும் போக்குவரத்து மேற்கொள்ள வீதி சிறப்பாக அமைத்துகொடுப்பதுடன் அவற்றை பராமரிப்பதும் எமது சேவைகளில் முக்கியமான ஒன்றாகும்.

எமது பிரதேச மக்கள் பாதுகாப்பாகவும் ஆரோக்கியமாகவும் போக்குவரத்தினை மேற்கொள்ள எமது வீதிகளை சிறப்பாக பராமரிப்பதன் பொருட்டு எமது சபை செயலாளர் திருமதி.பா.சிவதர்சினி அவர்களின் நல் வழிகாட்டலின் கீழ் மாகாண குறித்தொதுக்கப்பட்ட அபிவிருத்தி நன்கொடை – 2024 (PSDG-2024) நிதி 2 மில்லியன் செலவில் எமது பிரதேச சபை வீதி 248 இல்

பாண்டியன்குளம் 1ஆம் வீதி மற்றும் 2ஆம் ஒழுங்கை வீதிகள் புனரமைக்கப்பட திட்டமிடப்பட்டு கேள்வி கோரல் முறை மூலம் ஒப்பந்ததாரர்கள் தெரிவுசெய்யப்பட்டு வேலைகள் ஆரம்பிக்கப்பட்டு நடைபெற்று வருகின்றது.

மாந்தை கிழக்கு பிரதேச சபை

பாண்டியன்குளம் நட்டாங்கண்டல்

கடைத்தொகுதிகளை வாடகை அடிப்படையில் வழங்குவதற்கான கேள்வி அறிவித்தல் (10.12.2024)

Posted on March 23, 2025March 23, 2025 by webadmin

பிரதேசசபை கடைத்தொகுதிகளை வாடகை அடிப்படையில் வழங்குவதற்கான கேள்வி அறிவித்தல் மாந்தை கிழக்கு பிரதேச சபையின் கொல்லவிளாங்குளம் சந்தைப் பகுதியில் உள்ளூர் அபிவிருத்தி உதவித்திட்ட நிதியில் (LDSP) அமைக்கப்பட்ட 3 கடைத்தொகுதிகள் மற்றும் பாலிநகர் கடைத் தொகுதியில் 3வது கடை மட்டும் 10.12.2024 ஆம் திகதிய உதயன் பத்திரிகையில் விளம்பரப்படுத்தியுள்ளது.

கீழ்குறிப்பிடப்படும் அட்டவணையில் விபரிக்கப்படும் கடைகளினை 06.01.2025ம் திகதி முதல் வாடகைக்கு வழங்குவதற்கான ஆகக்கூடிய ஓரே முறையில் செலுத்தக்கூடிய தொகைக்கான கேள்விகள் கீழ்க்காட்டப்பட்ட நிபந்தனைக்கு அமைவாக கேள்விகள் கோரப்படுகின்றன.

கேள்விப் படிவம் வழங்கப்படும் காலம் : 10.12.2024 – 24.12.2024 பி.ப 12.00 மணி வரை

கேள்விப்படிவம் ஏற்றுக்கொள்ளப்படும் இறுதி திகதி : 24.12.2024 பி.ப 2.00 மணிவரை

கேள்விப் படிவம் திறக்கப்படும் திகதி : 24.12.2024 பி.ப 2.00 மணிவரை

கேள்வி திறக்கப்படும் இடம் : மாந்தை கிழக்கு பிரதேச சபை

நிபந்தனைகள்

1.விண்ணப்பதாரி இலங்கை பிரஜையாக இருத்தல் வேண்டும்.அத்துடன் மாந்தை கிழக்கு பிரதேச சபை எல்லைக்குள் வசிப்பவராக இருத்தல் வேண்டும்.

2.விண்ணப்பம் பெறவரும் போது தேசிய அடையாள அட்டை அல்லது சாரதி அனுமதிப்பத்திரம் அல்லது செல்லுபடியான கடவுச்சீட்டு மற்றும் அதன் பிரதியுடன் வரவேண்டும்.

3.கேள்விப் பத்திரங்கள் இரு பிரதிகளில் தயாரிக்கப்பட்டு மூலப் பிரதியை “செயலாளர், மாந்தை கிழக்கு பிரதேசசபை, பாண்டியன்குளம் என்ற முகவரிக்கும் இணைப்பிரதியை பிராந்திய உள்ளூராட்சி உதவி ஆணையாளர், பிராந்திய உள்ளூராட்சி உதவி ஆணையாளர் அலுவலகம், முல்லைத்தீவு” என்ற முகவரிக்கு நேரடியாகவோ அல்லது பதிவுத் தபால் மூலமோ 24.12.2024 திகதி பிற்பகல் 2.00 மணிக்கு முன்னர் கிடைக்ககூடியதாக அனுப்பிவைத்தல் வேண்டும்.

4.ஒருவர் ஒரு கடைக்கு மாத்திரமே விண்ணப்பிக்க முடியும் என்பதுடன் ஏற்கனவே பிரதேச சபையின் அறை வாடகை கடைகளை நீண்டகால குத்தகைக்கு பெற்றவர்கள் விண்ணப்பிக்க முடியாது.

5.குறித்த கடையின் ஒப்பந்ததாரர்கள் எந்த வகையிலும் உப வடகைக்கு வழங்கவோ உரிமை மாற்றம் செய்யவோ முடியாது.

6.நீண்டகால குத்தகை கடைகளுக்கு மாதாந்த கடை வாடகையாக பிரதேச சபையினால் காலத்திற்கு காலம் தீர்மானிக்கப்படும் தொகையினை செலுத்தப்படல் வேண்டும்.

7.குறித்த கடைகளில் சகிக்க முடியாத தொழில்கள் அபாயகரமான தொழில்கள் ஆகிய தொழில்களை மேற்கொள்ள முடியாது.

8.தெரிவு செய்யப்படும் விண்ணப்பதாரர் மூன்று மாதகால வாடகைப்பணத்தை பாதுகாப்பு வைப்பாக ஒருவரா காலத்தில் செலுத்திப் பற்றுச்சீட்டினைப் பெற்றுக்கொள்வதுடன் சபையுடன் ஓர் ஒப்பந்தமும் செய்ய வேண்டும். தவறும் பட்சத்தில் தாமாகவே இதிலிருந்து விலகியதாக கருதி அடுத்த கேள்விதாரருக்கு குறித்த நிலையம் வழங்கப்படும்.

9.கேள்விகளை ஏற்கவோ அல்லது நிராகரிக்கவோ கேள்விச்சபைக்கு பூரண அதிகாரம் உண்டு.

10.சபையால் தீர்மானிக்கப்படும் வியாபார வரி,உரிமக்கட்டணத்தினை வருடாந்தம் செலுத்தி வியாபார உரிமத்தினை பெற்றுக்கொள்ள வேண்டும்.

11.மேலதிக விபரங்களை அலுவலக கடமை நேரத்தில் பெற்றுக்கொள்ள முடியும்.

செயலாளர்

பிரதேச சபை

மாந்தை கிழக்கு

தொ.இ – 021 228 3475

செயலாளர் – 77 303 6518