webadmin – Manthai East

உலக சுற்றாடல் தின செயற்பாடுகள் – 2025

Posted on June 5, 2025June 5, 2025 by webadmin

சூழல் சார்ந்த பிரச்சினைகளை தீர்க்கும் நோக்கில் ஒவ்வொரு வருடமும் ஜீன் 05 ஆம் திகதி உலக சுற்றாடல் தினமாக பிரகடனப்படுத்தப்பட்டுள்ளது.

இதனடிப்படையில் ஐக்கிய நாடுகளின் சுற்றாடல் நிகழ்ச்சித் திட்டத்தினால் 2025 உலக சுற்றாடல் தினம் “Ending Plastic Pollution” ( பிளாஸ்டிக் பாவனையால் உருவாகும் சூழல் மாசடைதலை முடிவுக்குக் கொண்டுவருதல்) எனும் உலகலாவிய தொனிப்பொருளின் கீழ்

சுற்றாடலை தூய்மைப்படுத்தி

மக்களுக்கு ஆரோக்கியமான சிறந்த சேவைகளை வழங்கும் நோக்கில் பாலிநகர் வட்டாரத்தில் அமையப்பெற்ற பாலி நகர் பொதுச் சந்தையும் அதன் வளாகமும் 03.06.2025 திகதி எமது செயலாளரின் தலைமையில் எமது சபை ஊழியர்களினாலும் மாந்தை கிழக்கு பிரதேச செயலகம் மற்றும் பாலி நகர் கிராமசேவகர் பிரிவு மக்களினது ஒத்துழைப்புடன் இணைந்தும் துப்புரவுப் பணி மேற்கொள்ளப்பட்டது.

மாந்தை கிழக்கு பிரதேச சபை உத்தியோகத்தர்கள்,ஊழியர்களின் பிறந்தநாள் நிகழ்வு – 2025 (தை,மாசி,பங்குனி)

Posted on June 5, 2025 by webadmin

எமது பிரதேச மக்களுக்கு சேவை வழங்கும் உத்தியோகத்தர்கள்,ஊழியர்களின் மனதிற்கு மகிழ்ச்சியை வழங்கும் நோக்கில்

எமது பிரதேச சபை ஊழியர் நலன்புரிச் சங்கத்தின் ஏற்பாட்டில் உத்தியோகத்தர்களின்,ஊழியர்களின் பிறந்த நாள் நிகழ்வானது ஒவ்வொரு மாதத்தின் இறுதியிலும் அம் மாதம் பிறந்த நாள் கொண்டாடிய உத்தியோகத்தர்களுக்கும் ஊழியர்களுக்கும் கொண்டாடப்படுகிறது.

2025 ஆம் ஆண்டு தை,மாசி,பங்குனி ஆகிய மாதங்களில் பிறந்த நாள் கொண்டிய எமது சபை உத்தியோகத்தர்கள்,ஊழியர்களுக்கு எமது பிரதேச சபை ஊழியர் நலன்புரிச் சங்கத்தின் சார்பாக இனிய பிறந்த நாள் வாழ்த்துக்களை தெரிவிப்பதோடு குறித்த உத்தியோகத்தர்கள்,ஊழியர்கள் மகிழ்ச்சியான வாழ்வு அமையப்பெற்று எமது பிரதேச மக்களுக்கு நல் சேவையையும் வழங்குவதற்கு வாழ்த்துக்களை தெரிவித்துக்கொள்கிறோம்.

மாந்தை கிழக்கு பிரதேசத்துக்கு வடக்கு மாகாண ஆளுநர் களப்பயணம்

Posted on May 2, 2025 by webadmin

மாந்தை கிழக்கு பிரதேசத்துக்கு வடக்கு மாகாண கௌரவ ஆளுநர் நா.வேதநாயகன் அவர்கள் 24.04.2025 அன்று வியாழக்கிழமை களப்பயணம் மேற்கொண்டு பல்வேறு பகுதிகளையும் பார்வையிட்டார்.

வடக்கு மாகாண உள்ளூராட்சி ஆணையாளர் திருமதி தேவநந்தினி பாபு, வடக்கு மாகாண வீதி அபிவிருத்தித் திணைக்களத்தின் பணிப்பாளர் எந்திரி வ.ஜெகானந்தன், முல்லைத்தீவு மாவட்ட உள்ளூராட்சி உதவி ஆணையாளர் எஸ்.ஜசிந்தன், வீதி அபிவிருத்தித் திணைக்களத்தின் முல்லைத்தீவு மற்றும் கிளிநொச்சி மாவட்டங்களின் பிரதம பொறியியலாளர் எஸ்.ரகுநந்தன், மாந்தை கிழக்கு பிரதேச சபையின் செயலாளர் திருமதி பா.சிவதர்சினி ஆகியோருடன் மாந்தை கிழக்கு பிரதேச சபை தலைமை அலுவலகத்தில் ஆளுநர் கலந்துரையாடல் நடத்தினார். மாந்தை கிழக்கு பிரதேச சபைக்கு உட்பட்ட வீதிகளின் திருத்தங்கள் தொடர்பில் கேட்டறிந்து கொண்டார்.

அதன் பின்னர் குத்துப்பால வீதியை ஆளுநர் நேரில் சென்று பார்வையிட்டார். இதன்போது நீர்பாசனத் திணைக்கள பொறியியலாளர்களும் இணைந்து கொண்டனர். அந்த வீதியில் அமைந்துள்ள குத்துப்பாலம் கடுமையாக சேதமடைந்துள்ள நிலையில் மழை காலத்தில் பயணிக்கவே முடியாத நிலைமை இருப்பதாகச் சுட்டிக்காட்டப்பட்டது. பாலத்தின் சேதங்களை தற்காலிகமாக உடனடியாகப் புனரமைப்பதற்கும், பாலத்தை நிரந்தரமாக நிர்மாணிப்பதற்கான வடிவமைப்பை வீதி அபிவிருத்தித் திணைக்களத்தையும் மேற்கொள்ளுமாறு ஆளுநர் பணித்தார்.

அதனைத் தொடர்ந்து பாலிநகர் – பாண்டியன்குளம் பிரதான வீதியை ஆளுநர் பார்வையிட்டார். அந்த வீதி நீர்பாசனத் திணைக்களத்துக்குச் சொந்தமாகவுள்ள நிலையில், அதன் புனரமைப்புப் பணிகளுக்காக பிரதேச சபையிடம் கையளிப்பதற்கு கோரிக்கை முன்வைக்கப்பட்டிருந்தது. அதைச் சாதகமாக ஆளுநர் கவனத்திலெடுத்து தொடர் நடவடிக்கையை முன்னெடுக்கப் பணிப்புரைவிடுத்தார்.

கரும்புள்ளியான் – மல்லாவி இணைப்பு வீதியையும் ஆளுநர் பார்வையிட்டார். இதன்போது வீதியால் மக்கள் பயணிப்பதற்கு பெரும் அவலங்களை எதிர்கொள்வதையும் நேரில் கண்டார். மூன்றரை கிலோ மீற்றர் நீளமான அந்த வீதியும் நீர்பாசனத் திணைக்களத்துக்குச் சொந்தமாகவுள்ள நிலையில் அதனையும் பிரதேச சபையிடம் கையளித்து புனரமைப்பை முன்னெடுக்க முன்வைக்கப்பட்ட கோரிக்கைக்கு ஆளுநர் இணக்கம் வெளியிட்டார்.

இதன் பின்னர் மிகவும் மோசமாக பாதிக்கப்பட்டுள்ள சிராட்டிக்குளம் பிரதான வீதியையும் ஆளுநர் நேரில் சென்று பார்வையிட்டார். அந்த வீதியில் 8 கிலோ மீற்றர் பிரதேச சபைக்குச் சொந்தமானதாகவுள்ள நிலையில் அதனை வீதி அபிவிருத்தித் திணைக்களத்திடம் கையளித்து அவர்கள் ஊடாக புனரமைப்பை முன்னெடுக்க ஆளுநர் ஆலோசனை வழங்கினார்.

மேலும், சிராட்டிக்குளம் அ.த.க. பாடசாலை, பாண்டியன்குளம் மகாவித்தியாலயம் என்பனவற்றையும் ஆளுநர் நேரடியாகச் சென்று பார்வையிட்டதுடன், அந்தப் பாடசாலைகளின் தேவைகளையும் அவர் கேட்டறிந்தார்.

உலக வங்கி நிதியில் கொல்லவிளாங்குளம் சந்தையில் அமைக்கப்பட்ட புதிய கடைத்தொகுதி இயங்குதல்

Posted on April 27, 2025April 27, 2025 by webadmin

2024ஆம் ஆண்டு உலக வங்கியின் உள்ளூர் அபிவிருத்தி உதவிதிட்டத்தின்(Local Development Support Project) மூலம் எமது பிரதேச உள்ளூர் உற்பத்தி பொருட்களை சந்தைப்படுத்தும் நோக்குடனும் எமது பிரதேச மக்களுக்கு தொழில் வாய்ப்பு வழங்கும் நோக்கிலும் கொல்லவிளாங்குளம் சந்தையில் புதிய கடைத்தொகுதி அமைப்பதற்கு எமது சபை செயலாளர் திருமதி.பா.சிவதர்சினி அவர்களின் நல் வழிகாட்டலின் கீழ் திட்டமிடப்பட்டு அமைக்கப்பட்டது.

குறித்த கடைத் தொகுதிகளில் உள்ள மூன்று கடைகளும் எமது சபைச்செயலாளர் நல்வழி காட்டிலும் எமது சபை வருமான பரிசோதகர் மேற்பார்வையிலும் உள்ளூர் தொழிலாளர்களுக்கு கேள்வி கூறல் மூலம் வழங்கப்பட்டு தற்போது இயக்கப்பட்டு மக்களுக்கு பயன்பாட்டை வழங்குவது மட்டுமன்றி சபைக்குரிய வருமானத்தையும் பெற்றுத் தருகிறது.

சித்திரை புதுவருட கைவிசேஷம் வழங்கும் நிகழ்வு

Posted on April 20, 2025 by webadmin

எமது சபை ஊழியர் நலன்புரிச்சங்கத்தின் ஏற்பாட்டில் ஊழியர் நலன்புரி சங்கத்தலைவர் திரு.சி.குருநீலன் அவர்களின் தலைமையில் 15.04.2025 ஆம் திகதி செவ்வாய்க்கிழமை மதியம் 1.00 மணிக்கு எமது சபை மண்டபத்தில் சித்திரை புதுவருடத்திற்குரிய கைவிசேஷம் வழங்கும் நிகழ்வு நடைபெற்றது.

இந் நிகழ்வில் எமது பிரதேச சபை செயலாளர் திருமதி.பா.சிவதர்சினி அவர்களாலும் எமது பிரதேச சபை பிரதான முகாமைத்துவ சேவை உத்தியோகத்தர் திருமதி.ல.ருஜினா அவர்களாலும் சபையில் பணி புரியும் உத்தியோகத்தர்கள் மற்றும் ஊழியர்களுக்கு கைவிசேஷம் வழங்கப்பட்டதுடன் எமது தமிழ் பாரம்பரிய உணவும் செய்யப்பட்டு அனைவருக்கும் பகிர்ந்தளிக்கப்பட்டது.

2025 ஆண்டு முதலாம் காலாண்டின் கணக்காய்வு முகாமைத்துவக்குழுக்கூட்டம்

Posted on April 13, 2025 by webadmin

எமது சபையில் 2025ஆம் ஆண்டின் முதலாவது காலாண்டுக்குரிய கணக்காய்வு முகாமைத்துவக்குழுக்கூட்டம் 10.04.2025 ஆம் திகதி இன்று பி.ப 01.30 மணியளவில் எமது சபை செயலாளர் திருமதி.பா.சிவதர்சினி அவர்களின் தலைமையில் மாந்தை கிழக்கு பிரதேச சபை சபா மண்டபத்தில் நடைபெற்றது.

இக்கூட்டத்தில் மாகாண கணக்காய்வு அலுவலக உத்தியோகத்தர், எமது சபை பிரதான முகாமைத்துவ சேவை உத்தியோகத்தர், தொழில்நுட்ப உத்தியோகத்தர்கள், அபிவிருத்தி உத்தியோகத்தர்கள், முகாமைத்துவ சேவை உத்தியோகத்தர்கள் கலந்துகொண்டனர்.

மழலைகள் விளையாட்டு விழா – மாந்தை கிழக்கு பிரதேச சபை முன்பள்ளி – 2025

Posted on March 24, 2025 by webadmin

எமது சபையால் வழங்கப்படுகின்ற நலன்புரிச்சேவையில் மாணவர்களின் கல்வியை விருத்தி செய்யும் முன்பள்ளி சேவையும் ஒன்றாகும். எமது பிரதேச மாணவர்களின் கல்வித்திறன் மட்டுமன்றி விளையாட்டு திறமையை வளர்க்கும் நோக்கில் எமது சபை செயலாளர் திருமதி பா.சிவதர்சினி அவர்கள் தலைமையில் எமது மாந்தை கிழக்கு பிரதேச சபை முன்பள்ளியின் மழலைகள் விளையாட்டு விழா 19.03.2025 ஆம் திகதி மு.ப 9.00 மணிக்கு புதன்கிழமை நடைபெற்றது.

வரவேற்புநடனம்,மங்களவிளக்கேற்றி, இறைவணக்கம்,கொடியேற்றல்,ஒலிம்பிக்சுடரேற்றல், சத்தியப்பிரமாணம் ஆகிய நிகழ்வுகளுடன் ஆரம்பிக்கப்பட்டு மாணவர்கள் விளையாட்டு,மாணவர்களுக்கான பரிசில்கள் வழங்கும் நிகழ்வுகளுடன் நிறைவுசெய்யப்பட்டது.

இந்நிகழ்வில் பிரதம விருந்தினராக செல்வி.இ.நளினி,(ஓய்வு நிலை ஆரம்பக்கல்வி ஆசிரியர், பாண்டியன்குளம்) அவர்களும் கௌரவ விருந்தினராக திரு.து.ஆபிரகாம் (பொருளாதார அபிவிருத்தி உத்தியோகத்தர்,பாண்டியன்குளம்) அவர்களும் மாந்தை கிழக்கு பிரதேச சபை உத்தியோகத்தர்கள்,பணியாளர்கள், முன்பள்ளி மாணவர்கள்,முன்பள்ளி ஆசிரியர்கள்,பெற்றோர்கள் கலந்து கொண்டனர்.

மாந்தை கிழக்கு பிரதேச சபை

பாண்டியன்குளம் நட்டாங்கண்டல்

வருடாந்த ஒன்றுகூடலும் நிகழ்வும் பிரிவுபசார விழாவும் 2024

Posted on March 24, 2025April 6, 2025 by webadmin

மாந்தை கிழக்கு பிரதேச சபையின் ஊழியர் நலன்புரிச்சங்கத்தினால் திரு.சி.குருநீலன் அவர்களின் தலைமையில் வருடாந்த ஒன்றுகூடல் நிகழ்வும் பிரிவுபசார விழாவும்

13.03.2025 ஆம் திகதி (வியாழக்கிழமை)

காலை 10.00 மணிக்கு ஆரம்பமாகி

இனிதே நிறைவுற்றது.

இந்நிகழ்விற்கு பிரதம விருந்தினராக மாந்தை கிழக்கு பிரதேச சபை செயலாளரும் ஊழியர் நலன்புரித் சங்கத்தின் போசகருமான திருமதி.பா.சிவதர்சினி அவர்களும் சிறப்பு விருந்தினராக கரைச்சி பிரதேச சபை செயலாளர் திரு.செ.செல்வக்குமார் அவர்களும் முல்லைத்தீவு பிரதி நீர்ப்பாசன பணிப்பாளர் பணிமனை பிரதான முகாமைத்துவ சேவை உத்தியோகத்தர் திரு.தே.கொலின்ஸ் ரூபன் அவர்களும் துணுக்காய் பிரதேச சபை செயலாளர் திரு.மா.மகாதேவன் அவர்களும் மாந்தை கிழக்கு பிரதேச சபை ஆயுள்வேத வைத்தியசாலையின் Dr.R.Kajanth அவர்களும் மற்றும் மாந்தை கிழக்கு பிரதேச சபை உத்தியோகத்தர்கள் ஊழியர்கள் அனைவரும் கலந்து கொண்டனர்.

இந்நிகழ்வில் எமது சபைக்கு பெரும் பணியாற்றிய எமது சபை முன்னைய செயலாளர் திரு.செல்வக்குமார் மற்றும் பிரதான முகாமைத்துவ சேவை உத்தியோகத்தர் திரு.தே.கொலின்ஸ்ரூபன் அவர்களினதும் சேவைகள் பாராட்டப்பட்டு கௌரவிக்கப்பட்டது. தொடர்ந்து மதிய போசனமும் கலை நிகழ்வுடன் விழா நிறைவுபெற்றது.

திரவக்கழிவகற்றல் சேவை

Posted on March 24, 2025April 6, 2025 by webadmin

எமது பிரதேச மக்களின் ஆரோக்கியத்தை பேணி சுகாதாரத்தை மேம்படுத்தும் பொருட்டு எமது சபை திரவக்கழிவகற்றல் சேவையினை யும் வழங்கிவருகின்றது.

1987ம் ஆண்டின் 15ம் இலக்க பிரதேச சபைகள் சட்டத்தின் பிரிவு 93 இன் கீழ் பொதுமக்களாகிய நீங்கள் எமது சபையிலிருந்து கழிவுறிஞ்சி சேவையினை பெற்றுக் கொள்ளலாம்.

கழிப்பறைகளில் காணப்படும் மலக் கழிவுகளை அகற்றுவது இப் பணிகளின் ஒரு அம்சமாகும்.

திரவக்கழிவகற்றல் சேவைகளை தாங்கள் பின்வரும் நிபந்தனைகளுக்கமைய பெற்றுக்கொள்ள முடியும்.

1.மாந்தை கிழக்கு பிரதேச சபை எல்லைக்குள் (ஐந்து கிலோ மீற்றருக்குள் ) முதலாவது லோட் கழிவகற்றலுக்கு மட்டும் ரூபா 5000.00 கட்டணம் செலுத்த வேண்டும்.

ஒரு தடவை மாத்திரம் கழிவகற்றல் மேற்கொள்ளப்படும்.இது 3600 லீற்றர் கொள்ளளவு கொண்டமைந்துள்ளது.

2. அடுத்து வரும் ஒவ்வொரு லோட்டுக்கும் ரூபா 5000.00 கட்டணம் மேலதிகமாக செலுத்த வேண்டும்.

3.மாந்தை கிழக்கு பிரதேச சபையின் எல்லையின் 5 கிலோ மீற்றருக்கு மேலதிகமாக வரும் ஒவ்வொரு கிலோமீற்றருக்கும் ரூபா 280.00 வீதம் கட்டணம் அறவிடப்படும்.

இங்கு இரு வழிப்பாதை க்கான தூரம் தனித்தனியாக கணக்கிடப்படும்.(போகும் தூரம் தனியாகவும் வரும் தூரம் தனியாகவும் கணக்கிடப்படும்.)

4.சேவைக்கான கட்டணம் செலுத்தி பற்றுச்சீட்டு பெற்றுக்கொண்டதன் பிற்பாடு சேவைகள் வழங்கப்படும்.

மாந்தை கிழக்கு பிரதேச சபை

பாண்டியன்குளம் நட்டாங்கண்டல்

மாந்தை கிழக்கு பிரதேசத்தின் சுற்றுலாத் தலங்களும் வரலாற்று முக்கியத்துவம் வாய்ந்த இடங்களும்

Posted on March 24, 2025 by webadmin

உலகிலே மிகப்பெரிய துறையாக விளங்குவது சுற்றுலாத்துறையாகும். இது நாட்டிற்கு அதிகளவான சுற்றுலாப் பயணிகளை அழைப்பதுடன் அதிகளவான வருமானத்தினையும் தருகிறது. ஆசியாவின் மிகச்சிறந்த சுற்றுலாத்தல நாடுகளில் இலங்கை மிக முக்கிய இடத்தில் உள்ளது.

தெற்காசிய நாடுகளில் ஒன்றாக விளங்கும் இலங்கையானது இந்து சமுத்திரத்தின் மத்தியில் இந்தியாவிற்கு தெற்கே அமைந்துள்ளது. இலங்கை ஏராளமான சுற்றுலா இடங்களுக்கு பெயர் பெற்றது.இலங்கையின் வடக்கு மாகாணத்தில் முல்லைத்தீவு மாவட்டத்திலுள்ள பிரதேசமாகவே மாந்தை கிழக்கு அமையப்பெற்றுள்ளது.

மாந்தை கிழக்கில் இயற்கை,அழகு என்பதனைத்தாண்டி வரலாற்று முக்கியத்துவம் வாய்ந்த இடங்கள்,சமய,கலாச்சார இடங்கள் என பல எண்ணற்ற இடங்கள் அமையப்பெற்றுள்ளன.அவையாவன

1.வவுனிக்குளம்

2.கல்லிருப்பு கண்ணகி அம்மன் ஆலயம்

3.வன்னிவிளாங்குளம் சிறி முத்துமாரியம்மன் ஆலயம்

4.பனங்காமம் கயிலைநாதர் சிவாலயம்

5.கறுத்தப்பாலம் – பாலியாறு

6.சிவபுரம் சிவன் கோயில்

7.பறங்கியாறு – சியாட்டில் குளம்

8.கல்வாரிப் பூங்கா(தவக்கால யாத்திரைத் தலம்) – வவுனிக்குளம்

9.இயற்கை சூழல்( வயல்,காடு)

மாந்தை கிழக்கு பிரதேச சபை

பாண்டியன்குளம் நட்டாங்கண்டல்