webadmin – Page 7 – Manthai East

மாந்தை கிழக்கு பிரதேச சபை முன்பள்ளி மாதாந்த கூட்டம்

Posted on August 19, 2024August 19, 2024 by webadmin

கல்வி என்பது முறை வழிப்படுத்தப்பட்ட நிலையில் முனைப்பாக செயல்படக்கூடிய சரியான வயது எல்லைக்குள் வழங்கப்படவேண்டியதொரு நுண்மதி நிலையாகும். குழந்தைகளின் உடல், உள, சமூகவியல் ரீதியான வளர்ச்சிப் பரிணாமங்களில் முன்பள்ளிகள் முக்கிய பங்காற்றுவதுடன் தேசிய, சர்வதேச ரீதியிலும் இதன் தேவை இன்றியமையாததாகவும் காணப்படுகின்றது.

எமது சபை சேவைகளில் ஒன்றாக மாந்தை கிழக்கு பிரதேச முன்பள்ளி சேவை காணப்படுகின்றது. இந்த வகையில் எமது பிரதேச குழந்தைகளின் கல்வி அறிவு மட்டுமல்லாது அவர்களின் உடல்,உள,சமூகவியல் ரீதியான அபிவிருத்தியினை மேற்கொள்வதற்கு எமது சபை செயலாளர் திருமதி. பா.சிவதர்ஷினி அவர்கள் தலைமையில் பிரதான முகாமைத்துவ சேவை உத்தியோகத்தர் திருமதி.ல.ருஜினா அவர்களினால் எமது சபையினுடைய முன்பள்ளியில் மாதாந்த கூட்டம் 08.08.2024 ஆம் திகதி காலை 10 மணிக்கு நடத்தப்பட்டது.

இக்கூட்டத்தில் முன்பள்ளி ஆசிரியர், முன்பள்ளி மாணவர்கள், மாணவர்களின் பெற்றோர்கள் ஆகியவர்கள் கலந்து கொண்டனர். இக்கூட்டத்தில் முன்பள்ளியின் பாதுகாப்பு கருதி முன்பள்ளி எல்லப்பகுதி பெற்றோர்களின் பங்களிப்பில் வேலி அமைக்கப்பட்டதுக்கு நன்றி தெரிவிக்கப்பட்டதுடன் முன்பள்ளி மாணவர்களின் கல்வி அபிவிருத்திட்டங்கள் பற்றியும் கலந்துரையாடப்பட்டது.

ஐரோப்பிய ஒன்றியத்தின் நிதியில் மாந்தை கிழக்கு பிரதேச சபை அலுவலக மேல்தளம் புதிதாக அமைத்தல் 16.08.2024

Posted on August 19, 2024 by webadmin

2024ஆம் ஆண்டு ஐரோப்பிய ஒன்றியத்தின் உள்ளூர் அபிவிருத்தி உதவிதிட்டத்தின்(Local Development Support Project) மூலம் எமது பிரதேச மக்களுக்கு சபை சேவைகளை இலகுவாகவும் அதிக சேவைகளை ஓரே இடத்தில் வழங்கும் நோக்கில் எமது சபை கட்டடத்தின் மேல்த்தள வேலைகள்

கேள்வி அறிவித்தல் மூலம் ஒப்பந்ததாரர் தெரிவு செய்யப்பட்டு 23.05.2024 திகதி தொடக்கம் வேலைகள் ஆரம்பிக்கப்பட்டு தற்போது நடைபெற்று வருகின்றன.

உலக வங்கி நிதியில் வன்னிவிளாங்குளம் சன சமூக நிலையம் அபிவிருத்தி செய்தல்

Posted on August 19, 2024 by webadmin

மக்கள் தாம் ஒருவருக்கு ஒருவர் உதவி செய்து தமது கிராமத்தின் கல்வி, கலை, கலாச்சாரம்,விளையாட்டு மற்றும் பொருளாதாரம் ஆகியவற்றில் வர்ச்சியினை மேற்கொண்டு அவற்றினூடாக தமது கிராமத்தின் அபிவிருத்தியினை முன்னெடுத்துச் செல்லும் ஒரு சிறிய அமைப்பே சன சமூகம் நிலையம் ஆகும்.

எமது மாந்தை கிழக்கு பிரதேசத்தில் 15 கிராமங்கள் அமையப் பெற்றுள்ளன. இங்கு 19 சன சமூக நிலை அமைப்புகள் காணப்படுகின்றன. அவற்றில் ஒன்று வன்னிவிளாங்குளம் கிராமத்தில் அமைந்துள்ள வன்னிவிளாங்குளம் சன சமூக நிலையம் ஆகும்.

2024ஆம் ஆண்டு உலக வங்கியின் உள்ளூர் அபிவிருத்தி உதவிதிட்டத்தின்(Local Development Support Project) மூலம் வன்னிவிளாங்குளம் மக்களின் கல்வி, கலை, கலாச்சாரம்,விளையாட்டு மற்றும் பொருளாதாரம் ஆகியவற்றில் வர்ச்சியினை மேற்கொள்ளும் வன்னிவிளாங்குளம் சன சமூக நிலையத்தை அபிவிருத்தி செய்வதற்கு எமது சபை செயலாளரின் நல் வழிகாட்டலின் கீழ் திட்டமிடப்பட்டு கேள்வி கோரல் முறை மூலம் ஒப்பந்ததாரர்கள் தெரிவுசெய்யப்பட்டு 04.07.2024 ஆம் திகதி முதல் வேலைகள் ஆரம்பிக்கப்பட்டு 14.08.2024 ஆம் திகதி நிறைவு செய்யப்பட்டது.

2025 ஆம் ஆண்டு பாதீடு தயாரித்தல் தொடர்பான கலந்துரையாடல் – அம்பாள்புரம்

Posted on August 19, 2024 by webadmin

மாந்தை கிழக்கு பிரதேச சபையின் 2025 ஆம் ஆண்டு பாதீடு தயாரிப்பதற்கு எமது சபை செயலாளர் திருமதி பா.சிவதர்சினி அவர்கள் தலைமையில் அம்பாள்புரம் கிராம சேவகர் பிரிவு மக்களுடன் 09/08/2024 ஆம் திகதி காலை 11.00 மணிக்கு அம்பாள்புரம் மீனவர் கூட்டுறவுச்சங்க பொது மண்டபம் கலந்துரையாடல் நடைபெற்றது.

இக்கலந்துரையாடலை எமது சபையின் பிரதான முகாமைத்துவ சேவை உத்தியோகத்தர் திருமதி .ல.ருஜினா அவர்கள் நடத்தினார். இக்கூட்டத்தில் அம்பாள்புர சன சமூக நிலைய நிர்வாகிகள், அம்பாள்புரம் மீனவர் கூட்டுறவுச்சங்கம், மாந்தை கிழக்கு பிரதேச சபை வட்டார அபிவிருத்தி உத்தியோகத்தர், மாந்தை கிழக்கு பிரதேச சபை சனசமூக நிலைய உத்தியோகத்தர், மாந்தை கிழக்கு பிரதேச செயலக பொருளாதார அபிவிருத்தி உத்தியோகத்தர், அம்பாள்புர கிராம சேவகர் பிரிவு மக்கள் மற்றும் சமூக அமைப்புக்கள் கலந்து கொண்டனர்.

இக்கலந்துரையாடலில் 2025 ஆம் ஆண்டுக்குரிய பாதீட்டில் சேர்க்கப்படவுள்ள வேலைகள் முன்மொழிபட்டு அவை தரவரிசைப்படுத்தப்பட்டது.

அத்துடன் உள்ளூராட்சி மன்றங்களுக்கு சொந்தமான மயானத்தில் இறுதிக் கிரியை மேற்கொள்ளும் போது தலா 1000.00 ரூபா அறவிடப்படும். அத்தோடு இதற்கு பொறுப்பாக சனசமூக நிலையங்கள் செயற்படும் என்றும் தீர்மானம் எடுக்கப்பட்டது.

.

உலக வங்கி நிதியில் கொல்லவிளாங்குளம் சந்தையில் புதிய கடைத்தொகுதி அமைத்தல் 12.08.2024

Posted on August 19, 2024August 19, 2024 by webadmin

2024ஆம் ஆண்டு உலக வங்கியின் உள்ளூர் அபிவிருத்தி உதவிதிட்டத்தின்(Local Development Support Project) மூலம் எமது பிரதேச உள்ளூர் உற்பத்தி பொருட்களை சந்தைப்படுத்தும் நோக்குடனும் எமது பிரதேச மக்களுக்கு தொழில்வாய்ப்பு வழங்கவும் கொல்லவிளாங்குளம் சந்தையில் புதிய கடைத்தொகுதி அமைப்பதற்கு எமது சபை செயலாளரின் நல் வழிகாட்டலின் கீழ் திட்டமிடப்பட்டு கேள்வி கோரல் முறை மூலம் ஒப்பந்ததாரர்கள் தெரிவுசெய்யப்பட்டு 09.05.2024 ஆம் திகதி முதல் வேலைகள் ஆரம்பிக்கப்பட்டு 11.08.2024 ஆம் திகதி நிறைவு செய்யப்பட்டது.

உள்ளூர் அபிவிருத்தி உதவித்திட்ட வேலைகளின் முன்னேற்றக்கலந்துரையாடல் – 2024

Posted on August 19, 2024 by webadmin

2024 ஆம் ஆண்டு உள்ளூர் அபிவிருத்தி உதவி திட்டத்தின் கீழ் நடைமுறைப்படுத்தப்படும் வேலைகள் தொடர்பான முன்னேற்றக் கலந்துரையாடல் எமது சபைச் செயலாளர் திருமதி பா.சிவதர்சினி அவர்கள் தலைமையில் மாந்தை கிழக்கு பிரதேச சபை பொதுநோக்கு மண்டபத்தில் 31.07.2024 ஆம் திகதி காலை 10 மணிக்கு நடைபெற்றது.

இக்கூட்டத்தில் எமது சபைச் செயலாளர், உள்ளூர் அபிவிருத்தி உதவி திட்டத்தின் உதவி திட்டப் பணிப்பாளர் (பிராந்திய உள்ளூராட்சி உதவி ஆணையாளர்), மற்றும் உள்ளூர் அபிவிருத்தி உதவி திட்ட மாவட்ட பொறியாளர், சுற்றுச்சூழல் பாதுகாப்பு உத்தியோகத்தர், படவரைஞர் , தொழில்நுட்ப உத்தியோத்தர்கள், விடய உத்தியோகத்தர் மற்றும் ஒப்பந்ததாரர்கள் கலந்து கொண்டனர்.

2024 ஆம் ஆண்டின் இரண்டாம் காலாண்டு கணக்காய்வு முகாமைத்துவக்குழுக்கூட்டம்

Posted on August 19, 2024August 19, 2024 by webadmin

எமது சபையில் 2024ஆம் ஆண்டின் இரண்டாவது காலாண்டுக்குரிய கணக்காய்வு முகாமைத்துவக்குழுக்கூட்டம் 12.07.2024 திகதி மு.ப 9.30 மணியளவில் எமது சபை செயலாளர் தலைமையில் நடைபெற்றது.

ஐரோப்பிய ஒன்றியத்தின் நிதியில் மாந்தை கிழக்கு பிரதேச சபையின் மேல்தளம் புதிதாக அமைத்தலின் ஆரம்பவேலை 05.07.2024

Posted on August 19, 2024August 19, 2024 by webadmin

2024ஆம் ஆண்டு ஐரோப்பிய ஒன்றியத்தின் உள்ளூர் அபிவிருத்தி உதவிதிட்டத்தின்(Local Development Support Project) மூலம் எமது பிரதேச மக்களுக்கு சபை சேவைகளை இலகுவாகவும் அதிக சேவைகளை ஓரே இடத்தில் வழங்கும் நோக்கில் எமது சபை கட்டடத்தின் மேல்த்தள வேலைகள்

கேள்வி அறிவித்தல் மூலம் ஒப்பந்ததாரர் தெரிவு செய்யப்பட்டு 23.05.2024 திகதி தொடக்கம் வேலைகள் ஆரம்பிக்கப்பட்டு தற்போது நடைபெற்று வருகின்றன.

ஆதனவரி அறவிடுதற்கு முன்னாயத்தமாக இடங்களை அடையாளப்படுத்தி தரவு சேகரித்தல்

Posted on July 14, 2024August 19, 2024 by webadmin

எமது சபையின் கீழ் 8 வாரங்கள், 15 கிராமசேவகர் பிரிவுகள் அமையப்பெற்றுள்ளன. எமது சபை செயலாளர் தலைமையில் எமது பிரதேசத்தில் அபிவிருத்தி அடைந்த கிராமமான பாண்டியன்குளம்,செல்வபுரம் ஆகிய கிராமங்களை ஆதனவரி அறவீடு செய்வதற்கு தெரிவுசெய்யப்பட்டு அவை இலங்கை வர்த்தகமானியில் பிரசுரிக்கப்பட்டது.

வர்த்தக மானியில் பிரசுரிக்கப்பட்ட இடங்களில் ஆதனவரிசை அறவீடு செய்வதற்கு முன்னாயத்த செயற்பாடாக எமது சபை கள உத்தியோகத்தர்களால் ஆதனவரி அறவீடு செய்யப்படவுள்ள இடங்களை நேரடியாக சென்று பார்வையிட்டு இடங்கள் அனைத்தும் அடையாளப்படுத்தப்பட்டு தரவுகள் சேகரிக்கப்படுகின்றன.

எமது கள உத்தியோகத்தர்களால் இடங்கள் அனைத்தும் அடையாளப்படுத்தப்பட்ட பின்பு

ஆதனவரிக்குரிய இடங்கள் valivation செய்யப்பட்டு அதன் பின்பு எமது சபையால் ஆதனவரி அறவீடு செய்யப்படும்.(05.07.2024)

எமது பிரதேச மாணவர்களின் ஆரோக்கியத்தை பேணும் நோக்கில் நட்டாங்கண்டல் மாறன் முன்பள்ளி பொதுக்கிணறு துப்பரவு செய்யப்பட்டது

Posted on July 14, 2024August 19, 2024 by webadmin

நட்டாங்கண்டல் பிரதேசத்தில் மாறன் முன்பள்ளி அமையப்பெற்றுள்ளது. இவ் முன்பள்ளியில் கல்வி கற்றுக்கொள்ளும் மாணவர்களின் உடல் ஆரோக்கியத்தை பேணும் நோக்கில் குடிநீர் பிரச்சினையை நிவர்த்தி செய்ய மக்களின் கோரிக்கைக்கு அமைய எமது சபை செயலாளர் திருமதி.பா.சிவதர்சினி அவர்களின் வழிகாட்டலின் கீழ் எமது சபை ஊழியர்களினால் நட்டாங்கண்டல் மாறன் முன்பள்ளி பொதுக்கிணறு 04.07.2024 ஆம் திகதி துப்பரவு செய்யப்பட்டது.