Events – Page 10 – Manthai East

முல்லைத்தீீவு மாவட்ட உள்ளூராட்சிமன்ற உத்தியோகத்தர்களின் உள நல மேம்படுத்தலுக்கான செயற்பாட்டு நிகழ்ச்சி – 2024

Posted on April 11, 2024April 11, 2024 by webadmin

முல்லைத்தீவு மாவட்டத்தில் அமைந்துள்ள உள்ளூராட்சி மன்றங்களின் கடமையாற்றும் உத்தியோகத்தர்கள் மற்றும் பணியாளர்களின் உள நலனை மேம்படுத்துவதன் மூலம் உள்ளூராட்சிமன்ற சேவைகளினை வினைத்திறனுடன் மக்களுக்கு வழங்கமுடியும்.

பிராந்திய உள்ளூராட்சி உதவிஆணையாளா் திரு.ச.யசிந்தன் அவா்களின் தலைமையில் 04.04.2024 அன்று மு.மல்லாவி மத்திய கல்லூாி(தேசிய பாடசாலை) விளையாட்டு மைதானத்தில் முல்லைத்தீவு மாவட்ட உள்ள

1.மாந்தை கிழக்கு பிரதேச சபை

2.துணுக்காய் பிரதேச சபை

3.புதுக்குடியிருப்பு பிரதேச சபை

4.கரதுரைப்பற்று பிரதேச சபை

5.பிராந்திய உள்ளூராட்சி உதவி ஆணையாளர் அலுவலகம் (முல்லைத்தீவு மாவட்டம்)ஆகியவற்றில் கடமையாற்றும் உத்தியோகத்தர்கள்,பணியாளர்களுக்கு

உள நல மேம்படுத்தலுக்கான நிகழ்வுகள் இடம்பெற்றது.

மேற்படி நிகழ்ச்சியில் முல்லைத்தீவு மாவட்ட பிராந்திய உள்ளூராட்சி உதவி ஆணையாளா், முல்லைத்தீவு மாவட்ட உள்ளூராட்சி மன்ற செயலாளா்கள், ஆயுா்வேத மருத்துவ உத்தியோகத்தா்கள், முல்லைத்தீவு மாவட்ட உள்ளூராட்சிமன்ற உத்தியோகத்தா்கள் மற்றும் ஊழியா்கள் கலந்து கொண்டிருந்தனா்.

துடுப்பாட்டம், வலைப்பந்து, கயிறு இழுத்தல்,100M அஞ்சல் ஓட்டம்,தேசிக்காய் கரண்டி, கைகளி னால் நீர் நிரப்புதல், மா ஊதி காசு எடுத்தல் என பல விளையாட்டுக்கள் இடம்பெற்றன. இவ் விளையாட்டுக்களில் உத்தியோகத்தர்கள்,பணியாளர்கள் அனைவரும் கலந்து கொண்டு சிறப்பாக விளையாடினர்

.

கரும்புள்ளியான் மல்லாவி இணைப்பு வீதி வேலையில் சபை வாகனங்கள் பயன்படுத்தல் (05.04.2024)

Posted on April 11, 2024April 11, 2024 by webadmin

மாந்தை கிழக்கு பிரதேச செயலக பிரிவின் 2024 ஆண்டின் 1ஆம் காலாண்டுக்கான ஒருங்கினணப்பு குழுக்கூட்டம் மாந்தை கிழக்கு பிரதேச செயலகத்தில் 15.02.2024 திகதி 12.00 பி.ப மணிக்கு முல்லைத்தீீவு மாவட்ட ஒருங்கிணைப்பு குழு தலைவர் கௌரவ இராஜாங்க அமைச்சர் K.காதர் மஸ்தான் தலைமையில் நடைபெற்றது.

பிரதேச ஒருங்கினணப்பு குழுக்கூட்டத்தில் முன்ழொழியப்பட்ட

“கரும்புள்ளியான் மல்லாவி இணைப்பு வீதி கிரவல் வீதியாக புனரமைப்பு செய்தல்” என்ற தீர்வுமானத்திற்கு அமைய நீர்பாசன திணைக்களத்தினால் கிரவல் பெறுவதற்கு அனுமதி வழங்கப்பட்டு எமது சபையின் கனரக வாகனங்கள் பயன்படுத்தப்பட்டு கரும்புள்ளியான் மல்லாவி இணைப்பு வீதி புனரமைக்கப்படுகின்றன.

05.04.2024 பதிவுகள்

அம்பாள்புரம் – வவுனிக்குளம் வீதியில் போக்குவரத்துக்கு தடையாக உள்ள மரம் அகற்றுதல்

Posted on April 11, 2024April 11, 2024 by webadmin

எமது சபையால் மக்களுக்கு வழங்குகின்ற சேவைகளில் ஒன்றாக அனர்த்த முகாமைத்துவம் காணப்படுகிறது. அம்பாள்புரம் -வவுனிக்குள வீதியில் ஆபத்தை ஏற்படுத்தக்கூடிய மரம் ஒன்று முறிந்து விழுந்து மக்களின் போக்குரத்தினை இடை நிறுத்துவதாகவும் மக்களின் அன்றாட வாழ்கைச்செயற்பாட்டை தடைசெய்ததாகவும் காணப்பட்டது.

குறித்த பிரதேச மக்களின் கோரிக்கைக்கு அமைவாக மக்கள் போக்குவரத்தை பாதுகாப்பாகவும் எளிதாகவும் மேற்கொள்ள எமது சபை செயலாளர் திருமதி.பா.சிவதர்சினி அவர்களின் நல் வழிகாட்டலின் கீழ் எமது சபை ஊழியர்களினால் அம்பாள்புரம் – வவுனிக்குள வீதியில் ஆபத்தை ஏற்படுத்தக்கூடிய முறிந்து விழுந்த மரம் 27.03.2024 அகற்றப்பட்டது.

பூவரசங்குளம் பொதுமயானம் நில அளவையாளரினால் எல்லைப்படுத்தல்

Posted on April 11, 2024April 11, 2024 by webadmin

எமது சேவைகளில் அத்தியாவசிய சேவையாக பொதுமாயான சேவை காணப்படுகிறது. கடந்து ஆண்டு தொடக்கம் எமது சபையின் பொதுமயானங்கள் அனைத்தும் துப்பரவு செய்யப்பட்டு நில அளவை திணைக்களகத்தால் எல்லைக்கல்லு வைத்து அடையாளப்படுத்தி இலங்கை சனநாயக சோசலிச குடியரசு வர்த்தமானியில் பிரசுரிப்பதற்கான நடவடிக்கைகள் மேற்கொள்ளப்பட்டு வருகின்றன.

எமது சபையின் செயலாளர் திருமதி.பா.சிவதர்சினி அவர்களின் தலைமையில்

பூவரசங்குளம் பொதுமயானம் எல்லைக் கல் வைத்து நில அளவையாளரினால்

28.03.2024 திகதி அடையாளப்படுத்தப்பட்டது.

வியாபார உரிமம் வழங்குதல் தொடர்பான நடமாடும் சேவை

Posted on March 29, 2024March 29, 2024 by webadmin

வியாபார நிலையங்கள் வியாபார உரிமம் பெற்று பொருட்களை நுகர்வோருக்கு விற்பனை செய்ய வேண்டும். மாறாக வியாபார உரிமம் இல்லாது பொருட்களை விற்பனை செய்தல் சட்டப்படி குற்றமாகும்.

எமது பிரதேச மக்களின் நலன் கருதி எமது சபை செயலாளர் திருமதி.பா.சிவதர்சினி தலைமையில்

பாலிநகர் வட்டாரத்தில் உள்ள எமது பொது நூலகத்தில் வியாபார உரிமம் வழங்குதல் தொடர்பான நடமாடும் சேவை 27/03/2024 இன்று காலை 10.00 மணிக்கு எமது சபை வருமான அதிகாரிகள் , வருமான உத்தியோகத்தர்கள் , வட்டார அபிவிருத்தி உத்தியோகத்தர்களால் வழங்கப்பட்டது.

இதில் 2024 ஆம் ஆண்டுக்கான வியாபார உரிமம் இல்லாத வியாபார நிலையங்களுக்கு வியாபார உரிமம் தொடர்பான படிவங்கள் வழங்கப்பட்டு அவற்றை பூரணப்படுத்தப்பட்டு வியாபார உரிமத்துக்கான கட்டணங்கள் பெற்றுக்கொள்ளப்பட்டு வியாபார உரிமம் வழங்கப்பட்டது.

மேலும் வியாபார நிலையங்களுக்கான வியாபார உரிமம் தொடர்பான அறிவுறுத்தல்கள் எமது வருமான அதிகாரிகளால் வியாபார நிலைய உரிமையாளர்களுக்கு வழங்கப்பட்டது.

விநாயகபுரம் பொது நூலக அபிவிருத்திட்ட வேலைகள் ஆரம்பம்

Posted on March 29, 2024April 12, 2024 by webadmin

எம்மால் வழங்கப்படுகின்ற நலன்புரி ச்சேவைைளில் ஒன்றாக நூலக சேவை காணப்படுகின்றது. எமது பிரதேச மாணவர்களின் அபிவிருத்தியை மேம்படுத்தும் நோக்கில் எமது சபையால் 3 நூலகங்கள் அமைக்கப்பட்டது.அதில் ஒன்றாக விநாயகபுரம் பொது நூலகம் காணப்படுகின்றது.இது விநாயகபுரம் வட்டாரத்தில் அமையப்பெற்றுள்ளது.

இந்நூலகம் பொன்னகர்,பூவரசன்குளம், விநாயகபுரம் ஆகிய மூன்று கிராம மாணவர்களின் கல்வி வளர்ச்சியை மேம்படுத்துகிறது.

2022 ஆம் ஆண்டு உலக வங்கியின் உள்ளூர் அபிவிருத்தி உதவிதிட்டத்தின்(Local Development Support Project – LDSP)மூலம் இந்நூலகம் புதிதாக அமைக்கப்பட்டது.தற்போது இந்நூலகத்தினை பாவனை செய்யும் மாணவர்கள்,வாசகர்கள்,மக்களின் பாதுகாப்பு,சுகாதார நலன் கருதி மேலும் நூலகத்தினை மலசலகூடம்,குடிநீர்,பாதுகாப்பு நடவடிக்கைகள் மீண்டும் உலக வங்கியின்

உள்ளூர் அபிவிருத்தி உதவிதிட்டத்தின்(Local Development Support Project – 2024 ) மூலம்

எமது சபை செயலாளரின் நல் வழிகாட்டலின் கீழ் திட்டமிடப்பட்டு கேள்வி கோரல் முறை மூலம் ஒப்பந்ததாரர்கள் தெரிவுசெய்யப்பட்டு 11.03.2024 ஆம் திகதி முதல் வேலைகள் ஆரம்பிக்கப்பட்டு தற்போது நடைபெற்று வருகின்றன.

மாகாண குறித்தொதுக்கப்பட்ட அபிவிருத்தி நன்கொடை நிதியில் அமைக்கப்படுகின்ற நட்டாங்கண்டல் 3ஆம் வீதி

Posted on March 29, 2024March 29, 2024 by webadmin

எமது பிரதேச மக்களின் போக்குவரத்து சிறப்பாக அமையும் சந்தர்ப்பத்தில் எமது பிரதேச அபிவிருத்தியும் வளர்ச்சிப்பாதையினை அடையும்.எமது மக்கள் பாதுகாப்பாகவும் ஆரோக்கியமாகவும் போக்குவரத்து மேற்கொள்ள வீதி சிறப்பாக அமைத்துகொடுப்பதுடன் அவற்றை பராமரிப்பதும் எமது சேவைகளில் முக்கியமான ஒன்றாகும்.

எமது பிரதேச மக்கள் பாதுகாப்பாகவும் ஆரோக்கியமாகவும் போக்குவரத்தினை மேற்கொள்ள எமது வீதிகளை சிறப்பாக பராமரிப்பதன் பொருட்டு எமது சபை செயலாளரின் நல் வழிகாட்டலின் கீழ் எமது சபை தொழில்நுட்ப உத்தியோகத்தரின் மேற்பார்வையில் மாகாண குறித்தொதுக்கப்பட்ட அபிவிருத்தி நன்கொடை – 2023 (PSDG-2023) நிதி 7.5 மில்லியன் செலவில் எமது பிரதேச சபை வீதி 248 இல்

நட்டாங்கண்டல் 3ஆம் வீதி

அமைக்கப்பட திட்டமிடப்பட்டு கேள்வி கோரல் முறை மூலம் ஒப்பந்ததாரர்கள் தெரிவுசெய்யப்பட்டு ஆரம்பிக்கப்பட்டு தற்போது Road Roller கனகரக வாகனத்தின் மூலம் வீதி மைக்கப்படுகின்ற காட்சிகள் சில.

சா்வதேச பூச்சிய கழிவு தினம் மாா்ச் – 30இனை முன்னிட்டு மாந்தை கிழக்கு பிரதேச சபையால் மாணவர்களிடம் விழிப்புணர்வு

Posted on March 29, 2024March 29, 2024 by webadmin

எமது சபை செயலாளர் திருமதி.பா.சிவதர்சினி தலைமையில் சர்வதேச பூச்சிய கழிவு தினம் மார்ச் – 30 இனை முன்னிட்டு எமது பிரதேச பாடசாலை மாணவர்கள் சூழல் மாசுபடுத்தலை ஏற்படுத்தும் பொலித்தீன்,பிளாஸ்டிக் மற்றும் கழிவு பொருட்களை முறையாக அகற்றி சூழலை எவ்வாறு பாதுகாத்தல், கழிவுப்பொருட்களை நிறப்பாகுபாட்டிற்கேற்ப கழிவுப்பெட்டிக்குள் தரம்பிரித்து அகற்றுதல்,கழிவுப்பொருட்களை மீள்சுழற்சிக்கு உட்படுத்தி அவற்றை கலை,கைவினை பொருட்களாக செய்தல்,திண்மக்கழிவுப்பொருட்களில் இருந்து எவ்வாறு சேதனப்பசளை தயாரித்தல் என்பது தொடர்பாக விழிப்புணர்வு 25.03.2024 நட்டாங்கண்டல் மற்றும் விநாயகபுரம் அ.த.க பாடசாலைகளில் இன்று செய்யப்பட்டது.

இவ்விழிப்புணர்வில் சுற்றுச்சூழலை எவ்வாறு பாதுகாப்பது என்பது தொடர்பான துண்டுப்பிரசுரங்களும் பாடசாலை மாணவர்களுக்கு வழங்கப்பட்டது.

சா்வதேச பூச்சிய கழிவு தினம் மாா்ச் – 30இனை முன்னிட்டு மாந்தை கிழக்கு பிரதேச சபை முன்பள்ளி மாணவர்களால் கண்காட்சி

Posted on March 23, 2024March 23, 2024 by webadmin

எமது மாந்தை கிழக்கு பிரதேச முன்பள்ளியில் எமது சபை செயலாளர் தலைமையில் சர்வதேச பூச்சிய கழிவு தினம் மார்ச் – 30 இனை முன்னிட்டு சூழல் மாசுபடுத்தலை ஏற்படுத்தும் பாலித்தீன்,பிளாஸ்டிக் மற்றும் கழிவு பொருட்களை எமது முன்பள்ளி மாணவர்கள் கழிவுப் பொருட்களை மீள்சுழற்சிக்கு உட்படுத்தி அவற்றை கலை,கைவினை பொருட்களாக செய்து அதனை 22.03.2024 திகதி காலை 10.00 மணிக்கு எமது சபை முன்பள்ளியில் கண்காட்சி மூலம் காட்சிப்படுத்தப்பட்டது.

இந்நிகழ்வில் சுற்றுச்சூழலை நாம் எவ்வாறு பாதுகாக்கப்பட வேண்டும் என்று விழிப்புணர்வு செய்யப்பட்டதுடன்

கழிவுப்பொருட்களை சிறப்பாக கலை,கைவினைப் பொருட்களாக மாற்றிய மாணவர்களுக்கு பராட்டும் வழங்கப்பட்டது.

இந்நிகழ்வில் எமது சபை செயலாளர்,உத்தியோகத்தர்கள்,

ஊழியர்கள்,முன்பள்ளி ஆசிரியர்,மாணவர்கள்,மாணவர்களின் பெற்றோர்கள் என பலரும் கலந்து கொண்டனர்.

மாந்தை கிழக்கு பிரதேச சுகாதார மேம்பாடு தொடர்பான கலந்துரையாடல்

Posted on March 20, 2024March 20, 2024 by webadmin

எமது சபையினால் வழங்கப்படுகின்ற சேவைகளில் சுகாதார சேவை முக்கியமானதாகவும் அத்தியாவசியமானதாகவும் காணப்படுகின்றது.மாந்தை கிழக்கு சுகாதார வைத்திய அதிகார மணிமனை எமது சபையுடன் இணைந்து எமது பிரதேச மக்களுக்கு சுகாதார சேவைகளை சிறப்பாக வழங்கி வருகின்றன.

பிராந்திய சுகாதார சேவைகள் பணிப்பாளரின் அறிவுரைக்கேட்ப மாந்தை கிழக்கு சுகாதார வைத்திய அதிகாரி பிரிவுக்குட்பட்ட பகுதி மக்களுக்கு வழங்கப்படுகின்ற சுகாதார சேவைகளை எமது சபையுடன் இணைந்து மாந்தை கிழக்கு சுகாதார வைத்திய பணிமனை மேலும் மேம்பாடு அடையச்செய்வதற்காக எமது சபை செயலாளர் திருமதி.பா.சிவதர்சினி தலைமையில் 20.03.2024 இன்று நண்பகல் 1.00 மணியளவில் மாந்தை கிழக்கு பிரதேச சபை பொதுநோக்கு மண்டபத்தில் கலந்துரையாடல் நடைபெற்றது.

இக்கலந்துரையாடலில்

1.உணவு கையாள்பவர்களுக்கான மருத்துவ அடையாள அட்டை வழங்கல்.

2.வளர்ப்பு நாய்களை பதிவு செய்தல்.

3.நாய்களுக்கான தடுப்பூசியேற்றல்.

4.கட்டாக்காலி நாய்களை கட்டுப்படுத்தல்.

5.வீதிகளில் மாடுகளை கட்டுப்படுத்தல்

6.கட்டட விண்ணப்பம்,வியாபார உரிமம் தொடர்பான விடயங்கள் ஆகியவையும் எமது பிரதேச மக்களின் சுகாதார சேவை அபிவிருத்தி தொடர்பாகவும் கலந்துரையாடப்பட்டது.

இக்கலந்துரையாடலில் எமது சபை செயலாளர்,சுகாதார வைத்திய அதிகாரி,பிரதேச வைத்தியர்,எமது சபை வருமான அதிகாரிகள், எமது சபை உத்தியோகத்தர்கள் அனைவரும் கலந்துகொண்டனர்.