வன்னிவிளாங்குளம் பொது மயானத்தினை பராமரிப்பதற்காக புதிய நிர்வாக அமைப்பை தெரிவுசெய்வதற்கான கூட்டம்.

Posted on March 20, 2024March 20, 2024 by webadmin

எமது சபையினுடைய பிரதேசத்தில் வன்னிவிளாங்குளம் கிராமமும் ஒன்றாகும்.

எமது சபையால் வழங்கப்படுகின்ற சேவைகளில் ஒன்றாக மயான சேவை காணப்படுகின்றது.எமது வன்னிவிளாங்குளம் பொது மயானத்தை பராமரிப்பதற்கும் மயான சேவை பொது மக்களுக்கு நேர்த்தியாக வழங்குவதற்கும் மயானத்தின் எதிர்கால அபிவிருத்தி நடவடிக்கைகளை சிறப்பாக முன்னெடுத்துச்செல்வதற்கும் எமது சபை செயலாளர் திருமதி.பா.சிவதர்சினி அவர்களுடைய தலைமையில் வன்னிவிளாங்குளம் பொதுமாயான பராமரிப்பு அமைப்பு புதிதாக தெரிவு செய்வதற்கான கூட்டம் 12.03.2024 ஆம் திகதி மு.ப 11.30 மணிக்கு வன்னி விளாங்குளம் சனசமூக நிலையத்தில் நடைபெற்றது.

இக்கூட்டத்தில் வன்னிவிளாங்குளம் பொதுமாயான பராமரிப்பு அமைப்பு புதிதாக தெரிவு செய்யப்பட்டதுடன்

மயானத்தின் எதிர்கால அபிவிருத்தி தொடர்பாகவும் கலந்துரையாடப்பட்டது.

இதில் எமது சபை செயலாளர் , வன்னிவிளாங்குள வட்டார அபிவிருத்தி உத்தியோகத்தர்,கிராம சேவகர்,சனசமூக அமைப்பினர் மற்றும் வன்னிவிளாங்குள பொது மக்கள் கலந்துகொண்டனர்.

கரும்புள்ளியான் மல்லாவி இணைப்பு வீதி வேலையில் சபை வாகனங்கள்

Posted on March 20, 2024 by webadmin

கரும்புள்ளியான் மல்லாவி இணைப்பு வீதி வேலையில் சபை வாகனங்கள்

மாந்தை கிழக்கு பிரதேச செயலக பிரிவின் 2024 ஆண்டின் 1ஆம் காலாண்டுக்கான ஒருங்கினணப்பு குழுக்கூட்டம் மாந்தை கிழக்கு பிரதேச செயலகத்தில் 15.02.2024 திகதி 12.00 பி.ப மணிக்கு முல்லைத்தீீவு மாவட்ட ஒருங்கிணைப்பு குழு தலைவர் கௌரவ இராஜாங்க அமைச்சர் K.காதர் மஸ்தான் தலைமையில் நடைபெற்றது.

பிரதேச ஒருங்கினணப்பு குழுக்கூட்டத்தில் முன்ழொழியப்பட்ட

“கரும்புள்ளியான் மல்லாவி இணைப்பு வீதி கிரவல் வீதியாக புனரமைப்பு செய்தல்” என்ற தீர்வுமானத்திற்கு அமைய நீர்பாசன திணைக்களத்தினால் கிரவல் பெறுவதற்கு அனுமதி வழங்கப்பட்டு எமது சபையின் கனரக வாகனங்கள் பயன்படுத்தப்பட்டு கரும்புள்ளியான் மல்லாவி இணைப்பு வீதி புனரமைக்கப்படுகின்றன.

மாந்தை கிழக்கு பிரதேச சபை முன்பள்ளி மாணவர்களின் அபிவிருத்தி தொடர்பான கூட்டம்

Posted on March 15, 2024March 16, 2024 by webadmin

எமது பிரதேச மாணவர்களை விருத்தி செய்யும் நோக்கில் எம்மால் எமது பாண்டியன்குளம் பிரதேசத்தில் முன்பள்ளி நிறுவப்பட்டு மாணவர்களுக்கு சிறந்த முறையில் கல்வி,ஒழுக்கம்,நன்நடத்தை கற்பிக்கப்பட்டு வருகின்றன.

மாணவர்களுக்கு கல்வி மட்டுமல்லாது உடல்,உள ஆரோக்கியத்தை பேணும் வண்ணம் அதிக ஊட்டச்சத்துள்ள போசாக்கான உணவும் வழங்கப்படுகின்றன.

எமது மாணவர்களின் கல்வித்திறன் மட்டுமல்லாது விளையாட்டு,புத்தாக்கம்,கலை, ஆளுமை,தலைமைத்துவம் போன்றவற்றை அபிவிருத்தி செய்வது தொடர்பாக 14.03.2024 இன்று எமது முன்பள்ளியில் எமது சபை செயலாளர் திருமதி.பா.சிவதர்சினி அவர்களால் கூட்டம் நடாத்தப்பட்டது.

இதில் எமது முன்பள்ளி ஆசிரியர் திருமதி.சசிகலா அவர்கள்,முன்பள்ளி மாணவர்கள்,மாணவர்களின் பெற்றோர்கள் கலந்து கொண்டனர்.

சிராட்டிக்குளம் பொதுமண்டப பொதுக்கிணறு துப்பரவு செய்தல்

Posted on March 15, 2024March 16, 2024 by webadmin

எமது பிரதேசத்தில் ஒன்றாக சிராட்டிக்குளம் அமையப்பெற்றுள்ளது .

எமது பிரதேசத்தின் முக்கிய பிரச்சனையாக குடிநீர் பெற்றுக்கொள்ளுதல் காணப்படுகின்றது.எமது சிராட்டிக்குளம் பிரதேச மக்கள் அருந்துவதற்கு குடி நீர் பற்றாக்குறையாக உள்ளது. சிராட்டிக்குளம் மக்களின் உடல் ஆரோக்கியத்தை பேணும் நோக்கில் குடிநீர் பிரச்சினையை நிவர்த்தி செய்ய மக்களின் கோரிக்கைக்கு அமைய எமது சபை செயலாளர் திருமதி.பா.சிவதர்சினி அவர்களின் வழிகாட்டலின் கீழ் எமது சபை ஊழியர்களினால் சிராட்டிக்குளம் பொதுமண்டப பொதுக்கிணறு 13.03.2024 துப்பரவு செய்யப்பட்டது.

All reactions:

Rajeev Rajeev, Pirathapan Pirathap and 1 other

செல்வபுரம் 3ஆம் வீதி புனரமைப்பு

Posted on March 15, 2024 by webadmin

எமது பிரதேச மக்களின் போக்குவரத்து சிறப்பாக அமையும் சந்தர்ப்பத்தில் எமது பிரதேச அபிவிருத்தியும் வளர்ச்சிப்பாதையினை அடையும்.எமது மக்கள் பாதுகாப்பாகவும் ஆரோக்கியமாகவும் போக்குவரத்து மேற்கொள்ள வீதி சிறப்பாக அமைத்துகொடுப்பதுடன் அவற்றை பராமரிப்பதும் எமது சேவைகளில் முக்கியமான ஒன்றாகும்.

எமது பிரதேச மக்கள் பாதுகாப்பாகவும் ஆரோக்கியமாகவும் போக்குவரத்தினை மேற்கொள்ள எமது வீதிகளை சிறப்பாக பராமரிப்பதன் பொருட்டு எமது சபை செயலாளரின் நல் வழிகாட்டலின் கீழ் எமது சபை தொழில்நுட்ப உத்தியோகத்தரின் மேற்பார்வையில் சபை நிதி (வரவு செலவு திட்டம் – 2023 இல் ஒதுக்கப்பட்ட நிதியில்)

1 மில்லியன் செலவில் எமது பிரதேச சபை வீதி 248 இல்

செல்வபுரம் 3ஆம் வீதி

அமைப்பதற்கு திட்டமிடப்பட்டு கேள்வி கோரல் முறை மூலம் ஒப்பந்ததாரர்கள் தெரிவுசெய்யப்பட்டு ஆரம்பிக்கப்பட்ட வேலையின் பதிவுகள் சில

எமது சபையின் இணையத்தள அங்குரார்ப்பண நிகழ்வு

Posted on March 2, 2024March 15, 2024 by webadmin

எமது சபையின் இணையத்தள அங்குரார்ப்பண நிகழ்வு 01.03.2024

உள்ளூராட்சி மன்றங்களின் சேவைகள் பொது மக்களிடம் இலகுவில் சென்றடையும் நோக்கில் நவீன தொழில்நுட்ப முறைமையை பயன்படுத்தி UNDP – CDLGஇன் நிதியின் கீழ் எமது சபைக்கு புதிய இணையத்தளம் எமது சபை உத்தியோகத்தர்கள் திரு.சி.குருநீலன் மற்றும் அ.கஜன் அவர்களினால் வட மாகாண உள்ளூராட்சி திணைக்கள உத்தியோகத்தர்கள் நல் வழி காட்டலின் கீழ் எமது சபை செயலாளர் திருமதி.பா.சிவதர்சினி அவர்களின் தலைமையில் வடிவமைக்கப்பட்டது.

உள்ளூராட்சி மன்றங்களுக்கு வடிமைக்கப்பட்ட புதிய இணையத்தளங்கள் வடக்கு மாகாண உள்ளூராட்சி ஆணையாளர் தலைமையில் 01.03.2024 இன்று 10 மணியளவில் வட மாகாண மாநாட்டு மண்டபத்தில் வடக்கு மாகாண கௌரவ ஆளுநர் திருமதி.பி.எஸ்.எம்.சார்ள்ஸ் அவர்களினால் அங்குரார்ப்பணம் செய்யப்பட்டது.

எமது சபைக்கு புதிதாக இணையத்தளம் வடிவமைத்த எமது உத்தியோகத்தர்கள் திரு.சி.குருநீலன் மற்றும் அ.கஜன் அவர்களுக்கு வடமாகாண உள்ளூராட்சி அமைச்சின் செயலாளர் திரு.ஆர்.வரதீஸ்வரன் அவர்களினால் மெச்சுரை (Commendation -230b) வழங்கி கௌரவிக்கப்பட்டது.

இவ் அங்குரார்ப்பண நிகழ்வில் வடக்கு மாகாண கௌரவ ஆளுநர் வடக்குமாகாண பிரதமசெயலாளர்,உள்ளூராட்சி அமைச்சின் செயலாளர்,வடமாகாண உள்ளூராட்சி உதவி ஆணையாளர்கள்,உள்ளூராட்சி மன்ற செயலாளர்கள்,உள்ளூராட்சி மன்ற இணையத்தளம் வடிவமைத்த உத்தியோகத்தர்கள் , UNDPஅமைப்பின் உத்தியோகத்தர்கள்,உள்ளூராட்சி மன்ற உத்தியோகத்தர்கள் என பலரும் கலந்து கொண்டனர்.

எமது சபை இணையத்தளம் சென்று எளிமையாக எமது சேவைகளைப்பெற

கீழ் குறிப்பிடப்பட்டுள்ள இணையத்தள முகவரியை பயன்படுத்துங்கள்.

இணையத்தள முகவரி

www.manthaieast.ps.gov.lk

Web address

www.manthaieast.ps.gov.lk

சபையின் புதிய செயலாளரை வரவேற்கும் நிகழ்வு

Posted on February 27, 2024February 29, 2024 by webadmin

முகாமைத்துவ சேவை உத்தியோகத்தர் (அதி சிறப்புத்தரம்) பரீட்சையில் சித்தியெய்தி, எமது சபைக்கு புதிய செயலாளராகப் பதவியேற்ற திருமதி. பார்த்திபன் சிவதர்சினி அவர்களை வரவேற்கும் நிகழ்வானது 2024.02.21 அன்று சபையில் சிறப்பாக இடம்பெற்றது.

செயலாளருக்கான பிரிவுபசார நிகழ்வு

Posted on February 27, 2024 by webadmin

2019ஆம் ஆண்டு தொடக்கம் மாந்தை கிழக்கு பிரதேச சபையின் செயலாளராகக் கடமையாற்றி இப்பிரதேசத்திற்கு அளப்பரிய சேவையாற்றி, தற்போது முகாமைத்துவ சேவை உத்தியோகத்தர் (அதி சிறப்புத்தரம்) பரீட்சையில் சித்தியெய்தி, கிளிநொச்சி கரைச்சிப் பிரதேச சபையின் செயலாளராகப் பதவிவுயர்வு பெற்றுச் செல்லும் திரு. செ.செல்வகுமார் அவர்களுக்கான பிரிவுபசார நிகழ்வானது 2024.02.19 அன்று சபை உத்தியோகத்தர்களால் ஏற்பாடு செய்யப்பட்டு சிறப்பாக இடம்பெற்றது

அம்பாள்புரம் 7ஆம் வீதி புனரமைப்பு

Posted on February 27, 2024 by webadmin

மாகாண குறித்தொதுக்கப்பட்ட அபிவிருத்தி நன்கொடை – 2023 (PSDG-2023) நிதி 1 மில்லியன் செலவில் எமது சபைக்குச் சொந்தமான அம்பாள்புரம் 7ஆம் வீதி புனரமைப்புச் செய்யப்பட்டுள்ளது.

அம்பாள்புரம் பொதுமயானத்திற்கு பாதுகாப்பு வேலி அமைப்பு

Posted on February 27, 2024February 27, 2024 by webadmin

அம்பாள்புரம் பிரதேசத்தில் அமையப்பெற்றுள்ள பொது மைதானத்திற்கான பாதுகாப்பு வேலியானது, பிரதேசவாழ் மக்களின் பங்களிப்புடன் எமது சபைப் பணியாளர்களால் முட்கம்பி பயன்படுத்தி பாதுகாப்பான வேலி அமைக்கப்பட்டுள்ளது.